|
無綫新劇《Aerobic Girls》由曾志偉擔任監製,搵嚟7位「90's女神」李若彤、李麗珍、葉蘊儀、陳慧珊、張慧儀、袁潔瑩同埋江欣燕擔任女主角。
狀態極fit嘅李若彤,今次應志偉嘅邀請而出山,家人、朋友同fans知道消息後,比佢仲開心。志偉就搵咗「邦民女」陳嘉寶(Anjaylia)飾演姑姑嘅後生版,睇落又真係有幾分相似啵!!
李若彤表示近年主力幫妹妹湊女,佢話:「我覺得係同個小朋友緣份,我當?佢係半個女,曾經有人以為呢個係我個女,但係我話如果係我會好開心,開心到飛起!」
問李若彤點解唔生B?佢就講笑話單卵點繁殖?又自爆:「我已經單身咗4年半,從來都冇結過婚,我o依家冇留意有冇追求者,仲等緊緣份到。」
計番條數,08年李若彤被爆、指大佢10年嘅前上市公司主席男友郭應泉,自97年金融風暴後屢傳財困,又涉錢債官司,08年11月被法院判決,需向一間財務公司還款1.17億元及利息。嗰陣李若彤已經同郭應泉拍拖10年。李若彤對男友不離不棄,更自力更生出山搵真銀、復出幕前參演《舞林大會》,賺取約45,000港元酬勞。當晚李若彤一改密實作風,身穿黑色低胸舞衣配魚網絲襪被男伴抱起大跳貼身辣舞。
此事距今亦已經近四年,睇嚟李若彤當日出山跳舞,應該真係為咗幫男友解財困。無奈兩人緣份已盡,最後仍無法一齊。 |
|