參賽港姐劉燕妮壓力爆煲退選

Amber

今屆港姐是非不斷，有份進入複試的「嫩版徐若瑄」劉燕妮（Rika），除在網上公開炫富外，又盛傳她曾當「小三」，介入空中少爺婚姻，原本已經收到入圍通知的她，終壓力爆煲，立即退選。
Rika接受電話訪問時親口承認退選一事，不過卻直言有意加入娛樂圈：「星期二大會打嚟通知我入圍時，我已經同TVB講要退選，不過佢哋叫我再考慮。今日佢哋再打嚟，我就同佢哋講我決定要退選。呢兩日新聞的確影響到朋友，我怕會影響埋屋企人，所以我先有呢個決定，加上我有明確目標，想開始自己生意。（有意入娛樂圈？）我唔抗拒，都想拍戲做武打明星，好似章子怡咁。參選之後都有娛樂公司聯絡我，話想簽我，不過我覺得未係時候，希望有呢一日。」
至於盛傳她當「小三」介入空中少爺婚姻，她態度平淡否認傳聞。