愷威離開碧兒即行運 劉丹祝福：希望佢搵到更好

Amber

劉丹、黃德斌、莊思明與湯洛雯等今日喺將軍澳宣傳無綫劇《愛．回家》，大玩遊戲，大會安排蛋糕，預祝父親節兼為黎諾懿慶祝33歲生日。

劉丹表示父親節已被囡囡預約，阿仔劉愷威則留喺內地開工，未能返港。問丹爺可有向兒子催婚、叫佢快啲娶楊冪？丹爺話：「我梗係想，耐唔耐我都會提一提，但就唔好畀佢壓力。」

有指同廖碧兒分手嘅男人，往後日子更幸福，劉愷威係碧兒舊愛，依家唔止有楊冪，仲喺內地大紅，丹爺話：「我個仔依家拍拖一路好開心，但唔可以咁話人哋，希望將來佢會搵到更好。」

同場嘅黃德斌表示未與好友陳豪聯絡，但相信對方不會在港補擺喜酒，他說：「之前知佢去法國，但唔知佢結婚。等埋Aimee（陳茵媺）返嚟大家食餐飯。」他表示已準備好學行車送給BB。