港姐起底 D Cup曾寶儀否認做過情婦

Amber

D Cup曾寶儀在個人網站上載大量索爆三點式肉照。



日前在港姐面試中以湯碗胸出戰的「D Cup曾寶儀」，有讀者爆料指她是雙性戀者，私生活不檢點，而且拜金及曾隆胸整容，其個人網站更上載大量索爆三點式肉照。她作出否認，並高呼：「我百分百鍾意男人！身家清白！」
有讀者爆料指「D Cup曾寶儀」林芷嘉（Karen）是「拜金整容妹」，曾整眼鼻兼隆胸，更指她是雙性戀者及有不少富貴男友！爆料人又指Karen買假名牌袋及拜金，和朋友們去Ball，是為認識更多富商，更指她和無綫高層樂易玲相熟：「樂小姐拍心口會畀三甲位同簽佢！」讀者更提供多張相片，包括Karen伏在一名男士懷中的照片，以及和一名索女咀嘴照。
Karen接受電話訪問，氣定神閒否認傳言：「我百分百鍾意男人！從來冇做過情婦，私生活唔淫亂，只係曾經收過一啲含糊訊息問價！我身家清白，屋企開模型飛機廠，自己都有做生意，層樓係自己買，一分一毫都係自己搵！」她又力證從未整容：「你睇我網上放咗六、七年前o既舊相就知啦！」