拜仁確認哥帥來投，夏天將掌管德甲班霸！

韋拿

德國當地時間1月16日下午，德甲拜仁慕尼黑官方宣布已經同西班牙名帥哥迪奧拿達成一致。哥帥將會係今年夏天接替合同期滿既老帥希歷基斯成為拜仁新任主教練！

希帥既合同到6月30日期滿，過去幾個月入面關於佢既未來同係咪續約既態度一直引到媒體猜測紛紛。1月16日佢正式通知拜仁高層，到時將唔會續約，希帥已經決定係今年夏天離開拜仁

之後退休。球隊主席路明尼加對希歷基斯既決定表示理解：“對於希歷基斯既決定我地作為球會同佢既朋友都尊重同接受，係我地既交流入面大家確認左都會全力以赴希望今個賽季重奪冠

軍！”

係希歷基斯表明左唔再續約既態度之後，拜仁以非常快既速度同哥迪奧拿達成一致並簽約。41歲既哥迪奧拿同拜仁簽約三年，合約到2016年結束，曾經係巴塞獲得無數輝煌既哥迪奧拿確

定將會係夏天到拜仁開始首次執教德甲！

一早就有意大利媒體同德國媒體爆料指拜仁已經同哥帥達成一致，但係拜仁官方幾日前就否認左，就係琴日，拜仁係當地時間1月16日下午官方宣布左哥帥確定夏天入主既消息！

對於哥迪奧拿既選擇，路明尼加表示拜仁能夠係咁多球隊中突圍得到哥帥既青睞非常唔容易，哥帥既到來可以令拜仁同德國足球都受益：“我地好高興請黎左得到好多成就既哥迪奧拿，佢

有唔少出名球會既邀請，但係最終拜仁贏左佢既青睞。哥迪奧拿係世界上最成功既教練之一，我地相信佢既到來唔單止可以提升拜仁，都可以令德國足球既影響力更進一步。我地期待2013

年7月既到來！”

達摩大師

真係跌哂眼鏡

小小球迷

見真章啦~~~~{:7_364:}

小小球迷

達摩大師 發表於 17-1-2013 23:31

                               
登錄/註冊後可看大圖

真係跌哂眼鏡

我諗佢怕教曼城壓唔住班大帝

wgjbrian

拜仁···我中意期望娜拿哥可以带领拜仁重夺欧冠

accbaae4

{:6_310:}點解.......拜仁有咩好{:6_310:}

wgjbrian

accbaae4 發表於 18-1-2013 01:09

                               
登錄/註冊後可看大圖

點解.......拜仁有咩好

系甘既，一嚟我中意德国队，二嚟就梗是距个队名同我个英文名似罗