Unite 香港佛牌討論區

設為首頁收藏本站

Unite 香港佛牌討論區

 取回密碼
 新會員登記

QQ登錄

只需一步,快速開始

Login

免註冊即享有會員功能

搜尋
檢視: 457|回覆: 0

陸羽仁'焗炒黃金'

[複製連結]
發表於 19-9-2012 23:45 | 顯示全部樓層 |閱讀模式
原來市場的估計係由於美國經濟唔係差得咁緊要,非QE不可。對QE有憧憬,但期望唔係好大,預計聯儲局真係推QE3,都只係應酬一下,唔會高過此前的規模,頂多都係四、五千億美元。亦預計QE推出後,投資者會趁好消息出貨,美股可能會不升反跌。

誰知伯南克送大禮,搞了個超大規模兼開放式(open-end)QE3,講到明除非美國經濟尤其係失業率明顯改善(至於去到幾多%,卻沒有講明),寬鬆的貨幣政策會一直持續下去。紐約聯儲銀行行長杜德利昨日公開打了個比喻,「如果你想把陷入泥坑的汽車拉出來,你不會在車輪開始轉的那一刻停止拉,你會一直拉,直到汽車被完全拖出泥坑。」

美股上周借勢衝上五年以來新高。由於伯南克呢招太出人意料之外,預計市場需一段時間去消化這個措施。不過到目前為止,各界似乎仍然未計得清,QE3對後市的真正影響。亦係呢個原因,美股呢兩日都在原地踏步,唔上唔落。不過市場普遍認為QE3對大市影響正面。

      QE3最直接的效果係每個月有400億「新水」流入市場購買房屋揭債券,加上正在進行的短僅轉長債的「扭曲操作」,至年底,聯儲局每月泵水超過1000億美元入市場。如果刺激經濟效果不彰,尤其係失業率無改善。聯儲局表示唔排除於年底「加碼」購買長期國債,對QE3的樂觀派估計,兩三年後美國可能唔止加1萬億美元、而係加多2萬億美元到資產負債表。

美國現時失業率8.1%,要改善至合理水準,即係7%樓下,肯定唔可以在短時間內做到。市場估計起碼要到2014年底甚至去到2015年中才有望達到。這段期間,保守預計會有1萬億美元流入市場,咁多「水」忽然間湧入市場,資產數量不會相應增加(股票較例外,因為「供應」比較有彈性),資產價格在供求影響下會水漲船高。

        眾多資產當中,市場比較睇好黃金。原因黃金與股市、樓市、匯市比較不受經濟基本因素影響。例如外匯中的歐元,QE3推出係,歐元兌美元最高升上1.315美元,但最近已回落至1.30美元附近。原因亦好簡單,歐洲經濟未係好掂,無論市場有幾多資金,投資者都唔敢無限量咁買入歐元。所以歐元回吐後可能再升,但你要佢升破1.4的歷史高位,難度好大。

         環球樓市已升好多,但樓市長遠除了受當地經濟基本因素影響外,亦受政府政策左右,樓價升得太顛會影響民生,政府一打壓,樓市就窒步。

股市亦受經濟變化及企業盈利影響,而家美股升近2007年的高位已經好誇張,當然不能排除佢再穿高位,但若企業盈利不前,升得太多就好易散。

在各類資產中,唯一比較少受經濟基本因素影響鮋係黃金。自古以來(尤其係通脹持續下),黃金係最能保值的實物資產。QE3推出後,金價已上漲了2%至每安士1765美元。唔少大鱷及分析員都睇好黃金,早於QE3推出前,一向唔睇好黃金鮋索羅斯已開始大手吸金,但當時市場無預計有咁勁鮋QE,所以較多預測黃金去番歷史高位1900美元便要行人止步,如今若美國無限咁QE落去,就好難睇淡黃金。

市場現時對金市一致睇好,但目標價仍有好大歧,大摩比較保守,估計金價年底會去到1800美元。最牛鮋係美銀,估金價於2014年底會飆升到2400美元。我估若美國一直QE一兩年,金價升番上上次高位1900美元,難度不大,但去唔去到2400美元咁誇,就真係天知道了。 其實金價未來的走向主要不是受中國和印度需求影響,反而受央行吸納的影響更大,而金價能否持續上,和美國會否持續QE有直接關係。美國聯儲局雖然話會一直QE,但期間難保唔會出意外,例如不斷放水會嚴重推高通脹,聯儲局定出的通脹警戒線係2%,當通脹大幅高於這個水準,聯儲局就被迫要加息。另外,若評級機構大降美國信貸評級,令美元急插,即使失業率未降到達標水平,QE也不一定可持續下去。

無論如何,在中短期內,候黃金回吐吸納,會有合理回報。
你需要登入後才可以回覆 登入 | 新會員登記

本版積分規則

QQ|小黑屋|手機版|網站地圖|聯絡我們|Unite Thai Amulet Forum (HK)    

GMT+8, 11-12-2016 18:08 , Processed in 0.066268 second(s), 24 queries .

Powered by Discuz! X3.2

© 2001-2012 Comsenz Inc. | 正體中文: [數碼中文坊]

快速回覆 返回頂端 返回清單