找回密碼
 新會員登記
搜索
查看: 2365|回復: 7

{轉} 女藝人撞鬼實錄

[複製鏈接]
發表於 9-8-2011 14:52 | 顯示全部樓層 |閱讀模式
俾鬼摸-陳敏之

唔知係唔係前排做野做得太累,導致腦電波太弱。有次訓左冇幾耐,突然感到有一股力量壓住自己,不但全身唔郁得,連想叫出聲都唔得,好辛苦先睜開對眼睇到當時係半夜兩點鐘。過左冇幾耐我又感覺有隻手好慢咁由額頭開始摸我,一直摸左好耐,由於我已經好累,第二朝又要開早,所以我突然由驚變成憤怒,心諗點解佢咁耐都唔走架於是我用盡氣力叫到出聲為止,仲係度狂鬧個隻野,最後佢都走左,之後我成個人都舒服晒!

日本猛鬼酒店-趙學而

我出左名大膽,所以每次出埠都一個人睏一間房,舊時我去日本工幹,同成班工作人員入住一間酒店,好自然我亦係一個人住一間房,但有一晚當我睏睏下,突然感覺到左腳麻痺,跟住痺到上左耳,之後又到輪到右邊腳痺,同樣痺到上右耳,我成個人都郁唔到,想叫又叫唔出聲,惟有唸心經,過左一陣,我以為冇事,但又感覺到有一隻似手又似腳既物體踏住我個肚,我驚到大叫,今次終於叫得出聲,個人仲郁得到,我望下個鐘,係早上五點零二分,我拿拿臨走落大堂坐天光,等d工作人員起身,之後我聽番一位工作人員講,原來個間係有名既猛鬼酒店黎架!

「喃無阿彌陀佛」趕鬼-袁彩雲

個次係我首次去美國華盛頓玩,一踏入酒店房我已經覺得唔舒服,平時我一覺就睏到天光,但個晚點都睏唔著,半夜仲突然間感覺到有個人影好快咁由我右邊床邊走到床尾,因為太驚,所以我冇起身望清楚,但就不停係心裡面唸『喃無阿彌陀佛』,雖然之後再冇見到黑影,但第二日當我同隔離房既朋友提及此事時,原來佢都有同樣經歷,後來我先知,原來個間酒店歷史悠久,係華盛頓打仗時期已經存在呢!

墳場鬼火-蒙嘉慧

我有兩次恐怖經歷,第一次係細個個陣,我全家住係村屋,我同媽咪睏到半夜都同時聽到大門外有『人』拖住鐵鍊行路既聲音,因為太驚,所以我地最後都冇開門睇下發生乜野事。另外一次係幾年前我同李燦森合作拍一套鬼電影時,有晚我地去墳場拍戲,竟然見到有個荒廢左既墳墓突然著起小火,當時已經係凌晨五點幾,而在場既工作人員亦一直冇走埋去睇,點解會無端端起火諗落都有 D 驚!

凌晨四點耳邊響起單車聲-譚小環

有次我去大西洋城登台,當踏入酒店房間時,覺得渾身不自在,由於當時我先到過助手的房間後才入自己的房,在她的房間感覺並無任何不妥,但在自己房間就特別唔舒服,到半夜四點左右,我的耳邊突然響起單車鍊我聲音,但當時酒店外的街道很靜,連車聲也沒有,我心知不妙,便將媽咪給我的玉珮拿出來,過了約半小時後,便再入睡了。之後,媽咪每年都在泰國四面佛替我求一道符,給我隨身攜帶保平安。

學校內見鬼-車婉婉

我小學讀個間學校以前係亂葬崗,所以成日有 D 鬼故流傳,不過個陣細個唔識驚,有一次仲同幾個同學暱埋係廁所,諗住嚇另一個同學,點知等等下見到一個白色物體飄過,起初以為係幻覺,又以為係同學伸個頭出黎嚇我地,後來問番佢佢話我地黐線,仲話頭先都唔得閒理我地,個陣大家先懷疑可能係見鬼呢!

水喉自動開關-黃泆潼

較早前我去左泰國參與一部鬼電影既外景拍攝,因為入住個間酒店都幾舊,所以俾我既感覺唔係太好。咁岩大部份工作人員都住係九樓,我則住八樓。係最初個幾日都冇乜野發生,但最後一晚我睏睏下,就聽到洗手間傳出好清楚既水喉聲,起初好慢,後來就愈開愈大。果刻都幾驚,我又唔敢望洗手間有冇野,但係又睏唔著喎之後等左好耐,D 水喉聲先漸漸收細返。為左保平安,我經常都會將呢道由朋友幫我求既護身符放係銀包架!

夜半奪命鬼爪-薛家燕

小時候我住在鑽石山的石屋,有日我同家姐見隔離屋的阿伯將窗門的玻璃油上綠油,問他點解,佢話前一晚睏覺時見到有一隻爪在窗外猛抓塊玻璃,於是便油上綠油,如果再有爪抓玻璃,佢都唔會見到,咁就冇咁驚。點知第二日,我們見附近有救傷車,原來果個阿伯出左事,送去醫院後仲死埋添不過到底阿伯係因病還是真係因果隻爪而死就無從稽考,因為當時只有我和家姐知道有關鬼爪的事呢!

會彈的汽水罐-楊怡

好細個既時候,有晚我坐巴士途經沙田某處,因為紅燈著左,所以巴士停低等候,係呢個時候,我望到街上一個汽水罐竟然直立式咁彈下彈下,每次都彈得好遠,而且仲彈到兩、三呎咁高,我初頭以為有人用線拉住個罐,但睇清楚之後,知道一定冇可能,因為附近唔只冇人,仲連一座建築物都冇,咁你話奇唔奇呀!
女藝人撞鬼實錄
發表於 9-8-2011 20:01 | 顯示全部樓層
thx
發表於 9-8-2011 21:32 | 顯示全部樓層
{:6_327:}{:6_324:}
發表於 31-3-2013 23:33 | 顯示全部樓層
{:6_303:}{:6_303:}
發表於 2-4-2013 01:12 | 顯示全部樓層
發表於 14-5-2013 23:43 | 顯示全部樓層
謝謝分享
發表於 9-6-2013 17:43 | 顯示全部樓層
{:6_303:}{:6_303:}
發表於 19-6-2013 16:06 | 顯示全部樓層
{:7_354:}{:7_354:}
您需要登錄後才可以回帖 登錄 | 新會員登記

本版積分規則

QQ|小黑屋|手機版|網站地圖|聯絡我們|Privacy Policy|Unite Thai Amulet Forum (HK)

GMT+8, 28-3-2024 22:30 , Processed in 0.093544 second(s), 25 queries , Gzip On.

Powered by Discuz! X3.5

© 2001-2024 Discuz! Team.

快速回復 返回頂部 返回列表