工作的黑暗時代, 憤怒了, 灰爆了!!

ar_ta

昨天過了一個心情沉重的工作日........
之前都講過工作是黑暗的, 老細講明唔會升我(因為我有意見)......早前更話我talkative要少出聲(但我的工作需要不停的反思去改善)!

以往老細們都只係單打, 猜度, 做小動作! 昨天, 有一個唔錯的同事, 突然收到解僱信, 俾一個月通知金......仲要佢呢個月內唔可以出去做野, 因為俾左通知金喎
解僱原因話有人投訴佢處理事不當, 但幾時幾點人物等等, 全完不講, 只說要呻訴就書面申請~
突然解僱, 係因為下星期新大老闆上任, 驚同事會當面爆大獲.......
以往老細都是發warning letter, 不斷做supervision迫人走
今次呢個不仁手法是第一次....
呢個同事, 仲要老細半年前點名力讚有進步的.......
走到咁絕, 係因為同事得罪了第二大那個, 反駁過她的處理手法......
老細為了保第二及保自己個位, 聯手加害同事
也要俾我們看到, 佢地是可以好絕, 要我地收聲聽聽話話!
我知出面好多公司都會, 可以說我好彩, 以前我從未遇見過.....我們都覺得很心寒, 很恐怖!!

如果你公司有單身老女人, 真係要小心小心, 完全心理變態的!!! 還說自己是基督徒, 假仁假義~
同事說得岩~沒有俾人愛過的人, 是不懂去愛人~~~~

不是怕他們, 但不會同佢地明鬥! 只是, 現在為了生活, 便違背了本來的工作意義, 更要每天對著你討厭的人.........身邊個個都會是無間道, 隨時會打害自己......

今天上香同魯史大佬講, 我相信有公義, 我相信呢兩個小人一定有應得的報應~
我真係好嬲, 好討厭現在的境況!!!! 公義在那裡? 人性在那裡? 你們睡得安心嗎?

平時返工, 我會帶祟迪, 自身牌或女皇佛等....
由今天起, 我要轉帶拉胡+澤度琴

但願不久將來, 在靈驗區分享新轉變

貓妖

妖獸都市，小人滿天！

ar_ta

到到都有小人
但都不用害人，一定有天收！

piggy915

先說同事那件事件 ...

給投訴有多嚴重? 人命/意外? 公司金錢/聲譽之損失? 相信都是一些看起來嚴重但其實被誇大的炒人理由吧, 一般做法是用 warning letter 加口頭警告起碼一次才能殺人, 而這事件上, 被殺的同事和其他同事的反應如何呢?

我不知你的機構怎樣, 一般的公司在 last day 都會由 HR (人事部) 做一個 exit interview, 目的是收回你的工作証和聽聽你有"什麼想說", 你們會有這套嗎?  如果有就是一個說實話的好機會 !

在這種消極的環境裡工作, 所有事要小心, 所有事都跟 procedure 程序, 需要時把每日做過的事記錄下來 (時間都要), 大家要和一對高層鬥是一件很吃力又多傷亡的事, 有沒有看過 saving private ryan ?  美軍在下面攻打上面山頭守著的德軍, 要多難才能戰勝他們走上山上, 同理他們是高層, 懂得玩手段懂得玩權, 就是要防也要費盡心力, 除非每個同事一條心, 但工作環境裡不是每一個人都同心同意, 有人要養家供樓, 所以玩集體辭職是好難成功 ...

最重要就是被殺的同事有心想上訴嗎?

ar_ta

piggy915 發表於 26-8-2012 00:06

                               
登錄/註冊後可看大圖

先說同事那件事件 ...

給投訴有多嚴重? 人命/意外? 公司金錢/聲譽之損失? 相信都是一些看起來嚴重但其實被 ...

那件事可說是嚴重, 但也可以小事.....因為好多人都有犯過, 佢地都有!
所謂那件事係上月中同事未得罪的時候, 所以當時無事, 而且還簽了下月轉長約! 但同事得罪完之後4日, 就收到解僱信!
根據過往, 相同的情況都是先口頭waring, 再犯便收warning letter, 但同事什麼都沒有, 只是收工前叫他, 說有件投訴事, 事情調查完, 就補錢即時走......但同事完全不知情的
同事說要看番調查報告, 佢話要書面申請
但問題是, 如果同事要追究, 告上去, 損失是那同事, 因為所謂的人証, 都是他們的人.......而且他們可以玩野告番轉頭!

我們沒有hr, 見完之後, 扮拿晒蟹叫埋個so called心理顧問安撫下, 之後叫佢交晒所有野走人.......

我們都知是場很難鬥的事, 因為係公司最大兩個, 日日返工關埋門講是非, 得罪左就勁俾說話我地, 搵機會整死我地!!! 很想離開, 但3個月通知期實在難搵工!!! 所以依家返工好辛苦, 內心很痛恨, 但又要扮無野, 又要不斷的睇佢地有冇錯處, 但願有日呻訴........但願有天天有眼!!

ar_ta

佢地不知幾想我地集體辭職, 因為我地呢個grading同事很團結, 每次一齊出聲佢地怕麻煩便要跟進....
依家即殺一個打擊我地, 想我地收聲乖乖地

johnwong2011

算小弟孤陋寡聞，我理解「代通知金」意思係代表即時解僱的補償，既然已經解僱，我會唔會起出面做其他野關佢咩事？建議你同事可以打電話去勞工處問下意見。

rr1628rr

師姊唔好嬲！

pk420

咁仲唔快d搵師師做吓法事

ar_ta

johnwong2011 發表於 26-8-2012 13:56

                               
登錄/註冊後可看大圖

算小弟孤陋寡聞，我理解「代通知金」意思係代表即時解僱的補償，既然已經解僱，我會唔會起出面做其他野關佢 ...

叫左同事聽日打去問下....