普羅米修斯...中伏..Shit

塔矢達人

普羅米修斯...中伏..

                               
登錄/註冊後可看大圖

其實如果套戲改名叫 "異形前傳之異形身世之謎", 我估我會睇得開心D....套戲太多問題, 戲力沒有, 3D沒有, 靚女沒有, 驚嚇沒有,套戲真係有太多犯駁位外加搵戲黎做啦! 雖然明白睇科幻片無得要求講得通, 但真係一肚火呀! 令小弟憤怒的劇情如下 :

1) 一開場個位肌肉外星人為咩自殺? 佢自殺果度係邊度?
2) 承上題, 如果果度係地球, 暗示佢既死引起一連鎖既DNA進化....咁即係地球上既人應該無人見過佢, 咁為咩會畫佢響壁畫度?
3) 就當妳班外星人每隔一段時間就番黎比地球人"參拜"啦! 都唔問為咩"參拜"既畫來來去去得一款, 但無拉拉點會只係畫6粒星星響副壁畫度, 而果6粒星只係一個外星人既科學既軍士基地而唔係外星人既母星?
4) 第二日見唔到蕩失路果兩個人點會唔番查紀錄? 明明佢地講左好多資料, 唔通無得錄音或錄片? 因為佢地出事果陣明明鏡頭一轉影住隻船, 所以無得話係接收問題..
5) 蕩失路果兩個粉皮明明係最細膽, 又會見到隻怪物仲會"BABY, BABY"咁行過去摸佢?
6) 接上題, 果兩個炒皮明明其中一個係因為俾D血"溶"左個玻璃頭盔"給"住左塊面死左訓左響度, 佢無比任何野攻擊過, 點解無啦啦變左異形????
7) 男主角明知自己有問題唔出聲都算, 佢知衰自殺都算, 成班都知果度有問題懷疑會細菌感染, 咁果位好有責任既船長又會見到果位個身形扭轉到隻腳去左個頭度訓左響門口都照開門?
8) 再接上題, 都知有問題死左咁多人, 為咩仲唔開船走?
9) 個女主角知自己有左怪物BB, 自己走左去割復產子, 妳夠膽死隻野爆出黎果陣成堆外星體液直入體內都無事, 算數, 妳剛剛開完刀仲要行得走得跳得? 體力太強了罷??
10) 承上題, 響就生既情形下可以打暈兩個船員, 自己走去割腹都好似無人知, 事後D人好似無事發生過, 明明個女主角成身都係血, 更唔好講只係用釘"釘"住傷口....仲要無細菌感染...
11) 女主角已經知道DAVID有問題, 佢竟然唔話俾大家知, 行為太奇怪了罷?
12) 就算DAVID已經學識晒所有古語言, 又為咩佢識開燈, 開影像等, OK後面因為佢睇過片知點控制隻船, 但一開頭好似咩都無睇過就識會唔會太奇怪呀? 連個外星人頭盔都識開....
13) 隻最後大佬明明咩都準備好晒連地球座標都一早搵晒, 點解幾千年前唔開船黎地球而走去冬眠?
14) 最後大佬明明同人類一樣, 為咩佢唔洗帶頭盔響個星球度走去搵女主角都唔中毒?
15) 異形點會一出世就咁大隻? 仲唔係異形之后而係普通異形...
16) 最後最大錯處, 為咩搵呢位小姐做女主角....

voka

多謝分享影評{:6_327:}

財寶天

清楚明白