上年到過紅統府Ang Thong ~

  大家好, 第1次在這裡發日誌, 在上年年中我和3位同事一起去泰國玩 , 而其中一日我自己離開去佛寺 , 目的地係 Wat Kham Yad 想見 LP Boonreu , 中午搵0左司機載我去, 由曼谷去大約4小時( 連埋要搵 ) , 當離開左市區之後 , 沿途既風景都係耕地 , 有好多未見個既動物 , 不過無論0係泰國邊度 , 都會見到有四面神 , 題外話唔講啦 , 到達之時已4點幾 , 廟既周圍全都是農田 , 入到入面心裡感覺到好平靜同好舒服 , 我在香港既寺廟係感覺唔到呢一種感覺 , 另外廟內既動物全部都唔怕人 , 好似歡迎你到來一樣 , 之後到大廳搵LP , 但係廟內既人話LP休息中 , 唯有等下啦 , 於是同司機周圍睇下 , 大約半個鐘之後 , LP返0黎就叫我地入大廳啦 , 當時LP身體好似唔係好好 , 不過都同我地傾計 , 跟住拿0左5隻香蕉比我地食 , 跟住司機同我講LP話d香蕉加持過, 佢叫你要食晒佢 ,  由於0黎之前冇食過任何0野 , 所以一口氣食完 , 點知師傅再攞多一排出0黎 , 司機就話要食埋佢呀 !! 總共一次過食0左十幾隻 ( 咁大個人都未試過 , 好彩係細隻既蕉 ) , 食完蕉之後LP同司機傾0左一陣 , 跟住司機同我講LP剛才既話 , 佢話LP知道你今日0黎有事搵佢問 , 不過佢話LP今日身體唔好 , 唔會做任何事, 但係佢話要我下次再來 , 一定要朝早 , 聽完之後心想冇辦法啦唯有下次啦 !! 之後請左幾個佛牌心比LP加持就同道別 , 上車之後司機同我講附近好似有一個好大既臥佛, 去唔去睇下不過佢都唔知正確位置0係邊( 原來司機都係第1次0黎紅統府 ) , 結果一路問當地人一路搵 ,  大約1個鐘左右就搵到 , 不過已經差不多天黑 , 一落車一尊好大既白色臥佛就在眼前 , 不過寺廟既人已經收拾物品關門 , 後來司機同廟內僧人傾0左一陣 , 果位僧人就入0左去開鐵閘開燈比我地周圍睇睇 , 0係大殿有一尊七龍佛最頂既地方有一顆舍利 , 另外出面有一個箱載住有人骨 , 僧人話已前呢度打仗 , 呢個人骨係已前比人行刑後來起出0黎放係廟 , 轉出有一個佛塔 , 僧人話入面藏有祟笛佛牌 , 但係好多已經比人請走0左 , 之後走既時候 , 僧人攞左3塊祟笛比人睇 , 如果我鍾意可以請 , 當時見到幾鍾意所以請走0左 , 離開時已經天黑 , 司機0係車上同我講佢今次都係第1次來好開心見到LP同大臥佛 (佢自己係帶LP笨既牌 ), 之後又座0左4個鐘車回曼谷和朋友食宵夜 ~
p s ( 今次去紅統府起初只係想搵 LP , 點知重有好多估唔到既事 , 另外本人決定明年會跟隨泰國朋友到wat kham yad出家 )