龍婆添(側頭)2515坤平

sleson

只說假牌.....但對我提出問題無回應,事實我都想知假牌為何可以在泰國進行比賽,仲要三場冠軍取比賽杯?為什麼龍婆添博物館館長夠膽送2515(所謂假牌)比泰國公主，仲要新聞報道 ? 不怕人頭落地 ? 唔通正如傳聞所講...版商避免損害自身利益而否定2515真確性?
最重要泰國人都自帶?真係唔明!!!!!

xyz555

下標: 其實好簡單 去出張沙馬公卡 睇吓出唔出到，如果出到沙馬公卡，應該可以繼續拍賣囉。

xyz555

出左沙馬公卡 就唔駛咁多爭議，賣都容易賣出。 起碼冇人敢會話係流嘢。

hook282000

sleson 發表於 15-10-2020 19:20
只說假牌.....但對我提出問題無回應,事實我都想知假牌為何可以在泰國進行比賽,仲要三場冠軍取比賽杯?為什麼 ...

呢個2515坤平只係一些有心人刻意做一批牌出嚟呃錢，當然你要玩假牌都冇人可以阻止你，不過就唔可以喺呢到賣。
至於你所講既送件牌俾公主，事實上如果有任何儀式有禮物送俾公主，公主都會收，因為這是禮貌，唔通公主會當場話係假牌唔收？加上公主亦不是對佛牌有什麼研究更加唔會分真假。
舉個例子：好多時皇室人員外出都會飲水，唔通嗰啲水就一定係聖水？又或者嗰個牌子既水又一定係皇室御用既水？分別真假唔係咁樣呀！
你去收呢啲牌既心態同嗰啲去羅湖城買LV既心態係一樣，成日覺得啲產品唔需要咁貴只係啲商家食水深，而呢一個包包都係同LV同一個廠做係OEM，所以價錢可以好低於是乎就買咗佢喇。但事實上係假嘢嚟嘅，買返嚟純粹係一種補償嘅心態，見到人人都話好，好想擁有，但自己又唔夠錢買，只好買啲平價貨。最後俾人發現咗係假嘢，但都堅持覺得自己嗰件係好嘢，只係人哋唔識欣賞啫。
如果係真嘅話點解唔試下拎去出他不贊卡、沙馬供卡或者S卡呢啲主流嘅驗證機構？
你口口聲聲話有比賽證書，但我可以肯定呢啲證書一定唔係沙馬供舉辦嘅比賽。
我都唔想浪費太多時間同你糾纏落去，你要玩假牌就繼續玩落去啦，自己收藏可以嘅，冇人會管你。你呢啲假牌留返喺你嗰個小圈子裏面慢慢玩啦，繼續沉醉喺自己嘅幻想世界裏面。

sheungping

其實有卡都唔代表係真,之前我見到一尊計也刹有人出 6萬幾,一樣出左馬沙卡,但我都唔敢收,因為果尊計也刹太平滑,同我在網上看到的真的不一樣.

xyz555

其實我哋如果唔係製作者果位龍婆，係好難分真與假的，但係有個沙馬公卡，起碼叫做有個驗牌機構擔保左，唔駛比人一口咬定係流。

xyz555

好過憑空爭論真假，反正你有沙馬公卡，就算想放售，都係會容易好多

Dpdavepen

送嘢畀公主影幅相

Dpdavepen

送嘢畀公主影幅相，自己舉辦個比賽，頒獎畀自己，求其搵個人話自已係近身弟子，就代表啲牌係真㗎咩。。。仲有，果位近身弟子今年幾歲，你自已計下有無可能。。。在泰國人人知道這是坑外國人的局了，唔好咁傻。

Dpdavepen

仲有，logic上唔好用大清帝國的觀點去睇泰國，送假野俾公主會人頭落地？公主得閒理你啲牌係真假，只係今次俾人利用左，搞到好似公主收左就係背書左啲牌係真咁，手段下流。