{轉} 金鐘站罅隙阿伯

apple

搭過地鐵o既朋友都知道，金鐘月台同列車之間o既罅隙好闊，好多小朋友或者係瘦o的o既人，都試過叉錯腳差o左跌落月台下面。所以每逢上車，乘客都要大步跨過。

由於 Fanny 住o係灣仔，所以佢每日都要好似一般乘客咁，o係金鐘轉車過九龍返工。今日 Fanny 返返o下工，突然覺得好肚痛，所以即刻請病假諗住返屋企抖抖。於是，佢o係公司附近睇完醫生，如常搭地鐵返屋企。

架車好快去到金鐘站，照慣例 Fanny 都會向下望一望，費事「叉」錯腳入空隙裡面。但當 Fanny 望落去空隙度時，竟然見到一個阿伯笑住向佢揮手！Fanny以為自己眼花，於是捽一捽眼再望，點知個阿伯仲o係度。個阿伯一頭白髮、成面皺紋、個口仲冇咁幾隻牙得個窿，o係度陰陰濕濕咁笑，就好似叫 Fanny 一齊落路軌陪佢咁。 Fanny 當堂嚇到即刻暈低。

醒返之後，Fanny 先由車站職員口中得知，原來先頭自己出出o下車門突然暈低，兩隻腳仲叉o左入空隙裡面。好在隔籬有個男仔及時扶住佢，如果唔係架車一開，Fanny 就會被扯開兩截。

自從o個次之後，Fanny 都唔敢再搭地鐵，寧願搭隧道巴士。不過大家都覺得，呢個金鐘阿伯應該係要搵 Fanny 做替死鬼，所以大家出入車廂記得要小心！

Amber

性情中人

{:7_352:}{:7_352:}