{轉} 粉嶺華明村同和合石交界

apple

本人親身經驗..
大約係2004年5月左右
有晚收左工同D同事去左九龍飲野.
飲到2:00am左右就開始駕車返屋企啦.
當我去到華明村同和合石交界既回旋處個時就見到一個人申手出黎x我架車
初初我只覺得係巴士叔叔姐.(因為個到夜晚係會泊滿九巴架.會有巴士叔係個度等廠車架)
但點知我一睇側鏡就死啦.
佢企左係我架車既左面.
最恐怖係.而我架車係一路行緊.但我架車同佢既距離係冇改變過架.(我大約行緊50km)
我驚到係咁踩油.去左雍盛下面間茶餐廳就走入去大叫救命(佢地仲<以為>我係傻既)
個廚房佬走出黎問我咩事(佢<以為>我畀人打)
咁我就講佢地知啦.個廚佬好大膽走出去睇.
個廚房佬同我一齊出去睇啦.
一睇.我同廚房佬兩個一齊走番入間茶餐廳.因為佢(靈體)望住我地.(廚房佬都睇到)
係我唔知點算之時.有個的士大哥就行過黎我度.仲畀左個十字架我.
跟住就同我講 : 我同你一齊出去.一路望住地下上番車.
佢仲話陪埋我泊好車先走.(好好人)
咁個時我只好照做啦.
行出去個時我覺得佢仲係度.就有d想番番入間茶餐廳.
但個的士佬就喝住我.叫我繼續行.唔好驚.唔係就大獲咁話
我心諗.都要硬住頭皮上架啦.如果唔係的士大哥唔理我未仲驚.
開車個時仲見到佢係度跟住.的士大哥就叫我去番見到佢既地方
咁我都照做啦.到個時佢就叫停車.仲叫我跟佢講
內容大約係咁 : 唔好意思呀.我冇心架.我架車帶唔到你想去既地方架
之後就等左20秒左右.的士大哥就叫我走啦..去泊車啦
咁就照佢咁講泊左架車去停車場啦.
個時我再睇一睇側鏡.就見唔到佢(靈體)啦
跟住我想畀番d錢個的士大哥多謝佢啦.點知佢仲話唔洗.
仲送埋個十字架畀我.
佢仲話其實好多的士大哥都見過咁既情況(係指同一位置)
佢話呢個方法都係其他的士大哥教佢.
第二日我就賣左架車畀車行啦.之後我都唔敢駕車啦.
真係諗番都驚..

特工小高

thx share

Amber

性情中人

TerenceLing@FB

thanks for share