找回密碼
 新會員登記
搜索
查看: 81797|回復: 131

希利奧斯 被ban 2700字原因 報告

 火... [複製鏈接]
發表於 13-4-2012 23:10 | 顯示全部樓層 |閱讀模式
本帖最後由 亞特蘭提斯 於 23-4-2012 23:08 編輯


咁樣啦 希利奧斯 比我講句說話啦

其實你不如思想一下 點解個社會要迫害你先 係真係你太有威脅!? 人地真係要張你趕盡殺絕!?
定係這是你需要在灰色地帶搵食的另類”成本”?
點解人人賣牌(不論正陰都無問題) 你分享下都有問題? 甚至你正正經經出買賣貼都有人打你?
點解先後幾代超版都要BAN你? 夠竟係全世界都係仆街? 定係全世界得番你一個好人?

好啦 開場白講完 要入正題 其實都幾煩 日日都有D問題要我打字搞到宜家打字仲快過食飯

首先 各下提到係呢兩個月先接觸陰牌 但唔好意思 我記得我三年前同你去過深水涉食午飯 你曾經表示過你有上過動物老千屋企而你當日都同我提過你在賣買帖內言論真正出處係動物老千口中 也開始有帶陰牌的習慣 ; 這在兩年前JOEHUI 因你用陰牌釣魚BAN你證實以上講法

其次 本人不批評其他討論區管理者的行為對錯 但如果事情發生於UNITE上 本人也會照BAN。友台沿用至今的分享區不可有商業活動 本人當年有份參與制定原因係方便監察以保障版友的最大利益 動物老千時代已過 你堅持把當年老千手法 文化 實施在現今任何討論區上是徒然的 甚麼博出名 識朋友 齊分享等手法 動物老千當年比你應用得更好 所謂”個局都靚撚過你”

老友賣佛牌搵食既人 大有人在 賣陰牌的人更多 原因點解? 係因為陰牌價格 市場資訊流通不足 槓桿可以好大 而且用法神秘 可以令賣家容易攻擊對手 提升自己專業型象 加上陰牌配合無限吹噓功夫令人深深墜入迷信圈套 財源滾滾來 再配合升級手法---- 古曼-> 女鬼(照顧古曼)->男鬼(保護女鬼)->魯士(控靈)-> 獨立靈(因為魯士都控唔住)->做法事(終於失控) 等等一級一級上 估計一個陰人所能付出的LIFE TIME VALUE 約十萬港元令人吸引 部份牌商因此投資陰牌 發表FUCKING 正心拜陰論此等廢話 真正破壞正派南傳佛教印象 令不知情者常感到”泰國佛!? 好邪ga wo!” 業障由始深種 以上講法 印證了為何陰人經常是非不斷 業障也!

再者 本人實在需要就各下發表的偉大言論 作出反擊 潑亂反正

正牌很多時能幫的/願意幫的都是孽障比較少, 功德比較多的人, 這些事情好看你以前的幾世修下來的果, 今生的人控制不了包括你我, 一出生它就跟著你.”
這說法無疑是正確非常 正牌力量運作的確如此 但不何作為供陰的籍口 一個人希望自身運程有所改變是需要斷惡種善 唔係話供下鬼 對下鬼好佢就會幫你做改善運程 如果係咁個個人供下鬼都可以打橫行 因果都唔洗理? 有人話“等價交換呀ma” 咁我想問 你如何知道你所交換既好運 需要付上幾多”價值”作條件?

還有 這要看他的造化, 他如何看待待那個靈. 好比人一樣你款待他經常念經多做功德福報, 他們有什麼籍口虧待你?? 多謝你都來不及吧.
據本人了解 除了公認阿羅漢級的聖僧才有能力/耐性/知慧道一切眾生 轉陰為正公修佛道 其他所謂的亞贊 通常功力未必到家 有部分亞贊會去做幾年和尚大量制做陰牌 最後還俗 此等亞贊/短期和尚 真係有能力轉陰為正? 非也!咁佢地又做到陰牌? “鎖魂法” --- 利用一d經咒把魂頭鎖入金身 再分呼供陰人士 日日供經 呃佢地供經越多對個鬼越好 其實骨子裡經文作用是一條皮鞭 把鬼靈當馬匹一樣 想佢跑快d 就鞭多佢兩下 你話d仆街教人供陰幾撚折墮

又好比你買電視機回來, 邊個可以保證你永遠都唔會俾你用壞?? 有邊個代理可以保證承諾一生一世???
老友 陰牌唔同電視機 電視機壞在最多無得睇 本人眼見幾多供陰人士 仆街收場 好既最多唔再供仆起街上來生命都有所威脅 你話你用電視機作比如有幾仆街呢!

接生婆幫你老婆接生都唔可以肯定幫你接那個係仔來的, 對吧??
無錯 就連接生婆都唔能夠作出保證 何解你認為陰牌有能力打破因果 經常對鬼念經多做功德福報佢就一定唔虧待你? 講不通吧!

"一把生果刀, 你用來切生果又得, 用來殺人又得, 邊個敢保證你把生果刀切野時百分百切唔到你手指??正陰好多時一念之差, 只在乎擁有者如何利用而已....
這是我一直反對的fucking bullshit 點解出街帶刀會比警察拉? 點槍可以用來殺人但警察先可以配槍普通人唔得? 武力可以強身保護自己 現代人卻偏偏反對暴力? 好簡單“守則” 警察用槍需要接受訓練 加上一百幾十條用武力既守則 如果不依守則需要接受刑事檢控; 難度你認為你賣牌時交代一兩聲就如同修左法? 供陰者會在沒實際報應的條件下不會破戒? 佢破左戒 得到報應 真係唔關你事? 為何你可把人家破人亡的陰牌型容只會切手指的一把生果刀? 你誤導緊人!!!

其實陰牌好睇你平時有冇做善事功德迥向俾佢. 陰不等於邪不等於惡, 陰靈被歸依後都想盡還孳債盡快輪迥, 你的角色就係幫助佢早日完滿, 令他盡快償還孳債而已.
這說法只合適正法加持的古曼童, 你賣個d係大鬼係比人鎖入個牌度個d 你日日用經文鞭打佢打完佢先做下善事迥向比佢 問題係佢供德完滿都走唔到 仲要比你個仆街日日打 我同意陰牌唔一定邪惡 人的無知才最邪惡!

如果你有位客人跟你說他請了你的牌很久, 你講過可以如何幫助他人緣, 正偏財, 防小人等等, 但到現在都感受唔到什麼效果, 你會點幫佢???
同我傾過計既朋友都知 佛牌最終目的不是招人緣, 正偏財, 防小人 而係透過以上功效 吸引人了解法法佛學, 而本人唔相信供陰人 一心只希望幫助陰靈積福做善事 他們最終目的只為”貪”。貪新鮮 貪感應 貪快 貪效果 不顧一切 錢 家庭 健康 家人 通通都可以不顧 自身利益為大前題 令人討厭至極

我認識的一位出家密宗和尚都唔反對你陀陰牌, 當然佢亦冇鼓勵過,, 佢認識我同我朋友後都對泰國聖物有些興趣, 佢亦都吩咐佢徒弟打電話俾我(當時我係泰國)叫我幫佢請某一款阿贊Perm既合和牌, 話那款牌力量非常好(因我有時會發電郵俾該師傅幫我睇睇我有興趣既佛牌值唔值得恭請, 想要佢意見
我不批評 出家人為何有此舉是修法的方法還是考驗自己心靈 我一一都不知道 反正我未接觸過佢 唔作批評十分應該, 而你既行為 我就有興趣解構

首先 泰國聖物就係泰國聖物你拿個修密宗既和尚出來把撚
第二 你又明白佢咁做既目的? 佢以身試法你就要叫人跟佢咁做? D魯士係喉嚨穿個孔 你唔試下? 你忽ga? 普通人無修法ga ma~你叫人去試? 咪撚害人啦!
第三 呢件事有無發生都得你一個知你吹噓都唔好吹到咁大呀老友 我好難唔打你ga

而我地何必去拘謹去區分正同陰好似正邪不兩立咁執著??
正就係正 陰就係陰 你喜歡係灰色地帶生存你既事 點解要執著 可以睇下以下4條 link

最後 我同你講 你今次完原依照版規賣牌 完全無錯 反而板主衝入陰牌區挑你機唔岩 但好抱歉版規係死既 人係生既 我明白你係色灰地帶打滾多年 十分清楚遊戲規則 要搵籍口ban你 比登天更難 但你以” 靈力超強。小弟推薦” 加上發表的偉論 實在導人迷信 確切的破壞正統南傳佛教的型像 對本人深愛的宗教有著深深的破壞 今日就由我亞特蘭提斯做個仆街 ban q左你 不過我打左呢2700字既文章解釋點解我要ban你 我ban robb都未有咁高調 比足面你吧!

我歡迎你到各論壇 唱unite有幾仆街 幾廿三條 有幾黑暗 我ban得你 預左你攻擊我 放我鬼 落我降頭 我就要睇下你呢d拜陰既人係咪你所發表既一樣 咁撚正義

其他版友記住unite 唔係垃圾場 其他討論區ban得你既 如果唔係誤會 你唔洗指意過來當避難所 我會以最高既標準去管理unite
自己拜陰既就安安份份拜 賣陰牌既就賣陰牌 唔好試圖傳播正心拜陰既觀念 唔鐘意既可以離開 去其他論壇 個度大把人配合你既言論

再見

評分

34

查看全部評分

發表於 13-4-2012 23:24 | 顯示全部樓層
我只有一個字來表達........................{:6_327:}{:6_327:}{:6_327:}
亞特蘭提斯........................................{:6_330:}{:6_330:}{:6_330:}

評分

3

查看全部評分

發表於 13-4-2012 23:27 | 顯示全部樓層
唉去到邊俾人BAN到邊.....爆粗BAND友一路好走唔好害我lee d 新手

評分

2

查看全部評分

發表於 13-4-2012 23:39 | 顯示全部樓層
真係幾高調;P;P

評分

1

查看全部評分

發表於 13-4-2012 23:52 | 顯示全部樓層
讚好!!!!!!{:6_327:}我諗應該未有人試過俾人band 都收到 2700 字原因吧{:6_304:}
夠哂 face 啦....

評分

1

查看全部評分

發表於 13-4-2012 23:58 | 顯示全部樓層
我只覺得人各有志,各自修行.最重要都係自己心入邊把尺冇移位

評分

2

查看全部評分

發表於 14-4-2012 00:06 | 顯示全部樓層
有時為咗大局..做决斷既事!{:6_327:}
(重系快果隻)

評分

1

查看全部評分

發表於 14-4-2012 00:11 | 顯示全部樓層
精品文章!!!:lol:victory:
頭像被屏蔽
發表於 14-4-2012 00:13 | 顯示全部樓層
分享自己鐘意ge野唔緊要.人人歡迎
.
但係吹大等新手落搭就係問題..

食幾多著幾多整定.有因必有果.帶得牌無論正陰都一定信

因果報應呀

評分

2

查看全部評分

 樓主| 發表於 14-4-2012 00:14 | 顯示全部樓層

陰牌 非如此簡單 會改變人的思想 令人不斷想得到更多 很多人最初接獲陰牌時自信能控制心理 結果有幾多人做到? 如果真係咁易"控" 根本唔洗修法 同時要與陰牌鬥控 不如守五戒 斷惡種善 效果比供陰來得更快更直接

評分

1

查看全部評分

您需要登錄後才可以回帖 登錄 | 新會員登記

本版積分規則

QQ|小黑屋|手機版|網站地圖|聯絡我們|Privacy Policy|Unite Thai Amulet Forum (HK)

GMT+8, 29-3-2024 06:19 , Processed in 0.183535 second(s), 39 queries , Gzip On.

Powered by Discuz! X3.5

© 2001-2024 Discuz! Team.

快速回復 返回頂部 返回列表