本帖最後由 carloschoi 於 15-12-2017 19:42 編輯
先多謝各位支持及耐心等待,因為打一篇文章都要好多時間,大家留言支持對我黎講已經好感激!好似有師兄話齋,再唔講第2篇會暴動架
上集講到,有D唔係有派更也既牌都當有咁去賣,今集我想講下Ya Ku Jun 比左2樽純粉作者,再幫手分派出去比邊4間呢?而唔係呢4間廟但又有話有自己有派更也粉既,究竟係咩呢?邊D牌會有派更也粉?而D牌係咪大家想像中,個個牌商都攞【派更也】既旗號去賺錢呢?請留意以下分享:
2樽純粉,其中一樽比左 Wat Bang Phraek,Wat Bang Phraek 搵龍婆安南/艮能幫手,製造左呢期既坤平,名為『派重鎮』!因為2樽粉中,呢一期係可以用哂一樽粉,所以對我黎講最多純粉就係呢一期了!至於裡面有咩材料,有邊個龍婆阿贊開光,有幾多次法會,我唔係度詳細講喇!而呢期的牌係用黎比Wat Bang Phraek 既裝修之用既!
有牌友有疑問,呢期係唔係派更也二期,其實我都想藉住呢個機會,想再一次重申,派更也坤平只有一期,係由Ya Kun Jun 做既,之後所有二三四期,其實只係海外牌商們想藉住派更也既名號去吸引多D人留意啫,久而久之,大家都會講左二期係邊個,三期係邊個,事實根本,泰國方面都唔會以派更也二期去講(正常牌商),都會以該牌既名字,例如『派重鎮』咁去宣傳,最多都會係話派重鎮坤平(有派更也粉),所以,你話邊個係二三四,不如講返果期牌自己個名啦,唔好再分二三四了,人地改名都好辛苦架!
至於第2樽粉,就平均比左3間廟,第一間係Thep Sathit Park ,第二間係Wat Pho Kaeo Prasit,第三間係Wat Boonyarit!
你會見到第一個Thep Sathirt Park 係一個公園,無錯,呢個就係大家都知道,龍婆馬哈蘇拉薩去開光既一期,呢期叫做派通襟(台灣/國內會叫做派通康),呢個係慶祝屈帝搣(金佛寺)72周年,而屈帝搣的寺廟管理團請龍婆馬哈蘇拉薩去幫手為呢一批坤平開光,而籌得既款項,就會係Thep Sathirt Park 起一個修道院,係比一D想投入做僧侶的市民,有一個學習佛理,做冥想既地方!但好可惜,聽聞呢個地方都仲未起好!所以如果各位有心,就幫幫泰國的寺廟,其實有好多寺廟好需要資金去重建等等...
第二間就係Wat Pho Kaeo Prasit,呢期叫做派摩尼秋,加持的龍婆都陣容頂盛,有周冠燙齊,龍婆馬哈蘇拉薩,龍婆刁等等知名既高僧,詳情大家自己搵搵喇,或者可以睇睇第二本派更也圖鑑,會見到好多資料,呢期所做既目的係為左裝修Wat Pho Kaeo Prasit。
第四間就係Wat Boonyarit,呢期叫做派衝瀑,由龍婆壯主持,再由幾位高僧係大法會例如龍婆馬哈蘇拉薩,龍婆劇等,比較特別呢個坤平係用左反手去做,反手坤平意思係將唔好既運去轉出去,係一門特別既法門,而且,龍婆壯亦用左派更也粉去做拉胡,都叫做係呢一輪『派更也』坤平中加添一點特色!當然,呢一期所籌得既款項都係為Wat Boonyarit 起廟,裝修之用!
圖鑑面除左以上4間廟用純粉去做牌之外呢,都仲有3批牌有列入派更也第二本圖鑑入面,第一,二批就係大家都好熟悉的屈騎龍婆耿威所做既派嬌,派暗,而派嬌係用上派更也一期的符珠去做,而派暗側用上派嬌去做,而呢2批牌,其實都係為左寺廟的裝修而做,聽聞唔係屈騎本身要裝修,係為其他寺廟既,詳情我就無再深究係善款係比邊間了!
而係第二本派更也圖鑑最後介紹的『派更也』,係Wat Yannawa 的坤平及座山佛,叫派變瀝,裡面加入去的都係派更也一期的符珠,而Wat Yannawa所做既目的係為左比Wat Yannawa 裡面既修道院學校既僧侶,係比一D小朋友學習既費用。
點解我今次要將圖鑑入面所提及到既牌,我都要講出黎,其實大家有留意到,我會強調呢7間廟既牌,包括屈巴周所,全部牌都係出師有名咁去做既三好佛牌,可能大家有時都會嫌棄其他牌都打住派更也既旗號,但我想同大家分享,以上既牌就係大家一直都非常支持既三好佛牌,只係好多牌商中間為左利益,Skip 左一D我地最想知道既資料,淨係識講話有派更也粉,嚇到大家都覺得呢批牌變哂商業牌咁!
如果大家心水清,會記得有2560既台灣屈桃園所出既坤平,都係打住有派更也粉,最後Rambo 兄問左朋友烏汶人,佢堅決話係假既,在此我都特登求證過,原來呢批牌的確係有派更也粉,因為用左派衝瀑既符珠去做,不過,呢批牌係無Ya Ku Jun 參與既,但牌商就講到有Ya Ku Jun 幫手,所以呢D牌商都係好興將D事實加加減減咁,其實以我所了解,所有有派更也粉既牌,都有請示過Ya Ku Jun,唔會亂黎既,呢個係做所有派更也牌既條件。
最後,我想講既係我自己既感想,其實佛牌只係助力,能唔能夠發揮佛牌既功用,都係靠自身福報,所以我一直都好抗拒話自己戴左佛牌有D咩感應,黠爆數咁,就算我賣每一塊牌,都係希望攞到最準確既資料去分享比大家,希望大家戴佛牌都係覺得與佛同行,做每一件事都覺得有佛同你一齊,所以,做多D善事,一定會有好報的! 要大家等咁耐,唔好意思,黎緊,我再會寫一篇新既資料,比D Hits 大家,係最近泰國佛牌界既Hot Topic------派更也加上碰派 古曼,你會想像到嗎?
|