|
大約十年前,我個女性朋友同老公住係某警察宿舍,個年佢老爺剛剛過身十多日,我個女性朋友好驚已經好多日冇返屋企瞓,而佢老公岩岩又要返夜更加唔會係屋企,無辦法之下,就搵我哋d朋友每晚陪佢.
宿舍面積唔大,幾乎一眼睇晒,佢兩夫婦有個特別習慣係唔鐘意比所有人著鞋入屋(包括自己),鞋一定要係門口除咗先可以攞去露台.
個晚我女性朋友就拖好地就同我齊齊上床瞓,可能陌生地方我唔習慣,個晚一起身,直望沙發好似望到一個男人既影坐咗係度,嚇到我即刻瞓番係度,乜野都當睇唔到,我又唔敢叫我朋友為有死頂,不知不覺就瞓著.
第二日起身換衫準備返工,我望到我朋友尋晚瞓個邊既床尾有半個尖頭男裝皮鞋鞋印,我即刻叫我朋友睇,佢驚到狂叫,我又驚佢又驚.拿拿聲抹走個印即走.
我將尋晚既事話比我朋友知道,佢肯定屋企一定冇尖頭鞋,當晚佢同老公返去爸爸住個度,發覺真係有一對尖頭鞋.而佢後來都有同老公講個晚既事,奶奶當然冇講啦唔想再嚇佢.
咁究竟係唔係老爺返嚟就唔知喇.
佢老公個邊偽唔信有鬼,而我女性朋友更加唔敢再提,之後佢哋就搬走.
|
|