找回密碼
 新會員登記
搜索
查看: 5883|回復: 47

[分享] 關於邪術偷運

[複製鏈接]
發表於 28-9-2015 22:27 來自手機 | 顯示全部樓層 |閱讀模式
今日我想分享關於邪術偷運嘅事,呢件事真實發生喺我朋友身上。

我個朋友係澳門人,佢同佢老公都戴佛牌,戴咗都好耐下。有一次我地傾開佛牌d嘢,知道咗原來佢老公有感應能力:能夠感應到佛牌嘅力量,而且仲可以跟佢自己供奉嘅古曼童溝通。

之後,更知道咗喺佢老公身上發生嘅一件事:佢老公係呢方面嘅感應能力好强,原本百發百中,點知,有一段時間突然喪失咗這方面嘅能力,感應變得不準確,連自己亦無信心。

佢地有個睇開嘅師傅,果個應該係道教果邊有修法嘅師傅黎,佢地就走去揾師傅,師傅睇完之後,就話佢老公嘅天賦能力,被人施邪術偷走咗,然後,經過師傅幫助下,朋友嘅老公嘅能力才恢復七、八成。

我問佢點偷呀?佢話其實好簡單,識呢d邪術嘅人,可能只係拍你一下,或者叫你個名而你應佢,咁就已經被偷咗㗎啦!

後來,我去泰國個邊,遇到個泰國華僑,大家講開呢個話題,佢話唔好隨便去揾人睇相算命,d人話算命算得多,條命會蝕。其實係恐防江湖術士見到你條命好有福報,會用邪術偷走你嘅好運、福報。

我自己亦聽過叫人唔好隨便去揾d神婆、問米婆,因為有d根本養鬼仔,如果d人上去拜「神」、上香,有可能被果d嘢,攞走你嘅好運、能量而不自知㗎!

各位師兄、師姐,你地有無聽過、親身有呢方面嘅經歷,講出黎分享下!

評分

6

查看全部評分

發表於 28-9-2015 23:12 | 顯示全部樓層
我都聽講過話如果睇相果個人吾係熟人介紹既話真係吾好去睇,
話算命佬會偷哂你既好運福報,我自己都睇過2-3次..
原本未睇之前去睇自己個運程都ok,睇完之後反而覺得以家運程差到以家無好過
發表於 28-9-2015 23:14 | 顯示全部樓層
又佛牌,又道家,咁多古靈精怪嘢架

我都成日聽到話唔駛去你屋企都知你屋企嘅陳設,好大機會係請鬼拜訪你屋企

幾年前跟啲親戚去見過一個自稱識降神嘅人,都幾年了,佢講嘅嘢都未實現

我相信有人係有某種能力嘅,但學佛嘅人修心利人,呢啲嘢唔問了
 樓主| 發表於 28-9-2015 23:23 來自手機 | 顯示全部樓層
danielchung 發表於 28-9-2015 23:14
又佛牌,又道家,咁多古靈精怪嘢架

我都成日聽到話唔駛去你屋企都知你屋企嘅陳設,好大機會係請鬼拜訪你屋 ...

佢天生有咁嘅能力㗎!

澳門個地頭好多呢d人、呢d故事㗎!
 樓主| 發表於 28-9-2015 23:25 來自手機 | 顯示全部樓層
芭蕉仔 發表於 28-9-2015 23:12
我都聽講過話如果睇相果個人吾係熟人介紹既話真係吾好去睇,
話算命佬會偷哂你既好運福報,我自己都睇過2-3次 ...

唔知有咩方法破解?
你有冇試過揾大德高僧? 例如:龍婆x、古巴阿里阿察 果d!?
發表於 28-9-2015 23:32 | 顯示全部樓層
PrimaLaw@FB 發表於 28-9-2015 23:25
唔知有咩方法破解?
你有冇試過揾大德高僧? 例如:龍婆x、古巴阿里阿察 果d!? ...

無呀,未試過去泰國有機會都想去泰國旅行+刺符

我之前果幾次睇相都係幾年前架拉,果陣都仲未接觸過佛牌..更何況佛學..
發表於 28-9-2015 23:47 | 顯示全部樓層
PrimaLaw@FB 發表於 28-9-2015 23:23
佢天生有咁嘅能力㗎!

澳門個地頭好多呢d人、呢d故事㗎!

我都識朋友有上過去揾呢D師傅,話講佢身邊D野講得好準,但係問未發生既事反而唔準,所以我都懷疑同師兄所講情況一樣,最重要叫佢乜符同佛牌都唔可帶响身,諗返起會唔會方便(做嘢)呢!
發表於 28-9-2015 23:56 | 顯示全部樓層
我覺得呢個世界好多呢種人,無得避
發表於 28-9-2015 23:57 | 顯示全部樓層
本帖最後由 神龍猜 於 29-9-2015 00:02 編輯

咁恐怖多謝分享

有啲神婆真係好準,原來係咁架。。

話說廿年前,我有個親人去搵神婆問野,個神婆唔識佢架!

一算就算到 我個親人墮過胎,仲話個靈體成日喺佢屋企門口外,但因為有祖先,個靈體先入唔到去
 樓主| 發表於 29-9-2015 00:02 來自手機 | 顯示全部樓層
bosco2206 發表於 28-9-2015 23:47
我都識朋友有上過去揾呢D師傅,話講佢身邊D野講得好準,但係問未發生既事反而唔準,所以我都懷疑同師兄所講 ...

咁奇怪? 叫人唔好帶符、佛牌,多數有問題啦!
唔見去黃大仙廟唔可以戴佛牌,又唔見去天壇大佛唔可以帶護身符!

d邪野零舍多避忌,因為唔見得光!
您需要登錄後才可以回帖 登錄 | 新會員登記

本版積分規則

QQ|小黑屋|手機版|網站地圖|聯絡我們|Privacy Policy|Unite Thai Amulet Forum (HK)

GMT+8, 29-3-2024 18:16 , Processed in 0.164732 second(s), 28 queries , Gzip On.

Powered by Discuz! X3.5

© 2001-2024 Discuz! Team.

快速回復 返回頂部 返回列表