九月九日神奇免費執寶的經歷

kalvin

九月九號10點約咗泰國密宗老友去香港島某街市門口等看佛牌,聽聞果度有間泰國雜貨店,泰國人開嘅兼賣埋佛牌,

一心去想見識下,去到有個泰國老板娘識講廣話,咪問下佢有冇佛牌賣,佢指住雪櫃門後面掛住一堆佛牌,放是欣喜地尋找下.


點知冇個睇上眼,失望之際,我老友望到神壇凸出條鐵絲串住個生晒銅綠嘅紅銅龜牌,攞上手睇及向我示意有料到,當然我就即刻問定老板娘幾銀?


估都估唔到,佢話間鋪話最值錢就係呢個牌,好多人揾,你要就九千,跟住我問佢幾年出,佢話呢隻好舊嘅,唔信你自己出去揾下囉.


我話咁貴果牌,亂咁掛好易唔見,佢話就係冇人識咁值錢,就怕喎.可能我哋太慈祥果樣,所以當作水魚辦,


不過我個老友直話即說同佢講:我識睇泰文,你果牌唔駛咁貴,佢當堂面黑黑,跟住話你俾到幾多錢先.心諗果品相咁差,


又冇眼緣,勉強冇幸福,都冇心戀戰,異價也不想了.


跟住緊係和老友上街市醫肚後,食到11點幾,落番條街,正想搭地鐵打道回家,突然有個中年婦人推住手推車在我面前經過,

即刻靈光一閃,集中力注意在手推車上的廢物,有幾袋黑色膠袋及一件方型木几,估計遺棄在街市地庫的垃圾收集站,

直覺覺得件傢俬應是古董,雖不知什麼木材,不理三七二十一,跟上去,我老友問我走得咁急去邊,我話跟住嚟你就知,我跟亞姐問,

呢張木几要唔要?佢話唔要啦,你啱用就攞去用,屋企冇地方擺,我再多口問多句,屋企仲有冇嘢?我幫你手搬去垃圾房,佢話唔駛,


呢批係最後一批,之前搬咗好多啦,我問果啲乜嘢嚟?佢話果啲佛經,佛珠,揼咗好多箱,我又問點解揼?佢話間屋係佢亞媽住,都唔喺到囉,咪揼囉.我唔好意思再問,只好說聲多謝！


我從手推車搬落嚟,張木几幾重無比,估計二十斤,應該實木造,我問老友比你,你要唔要?佢話唔要,可能見到几面汚跡唔開胃啦.實在太重,搬去石櫈研究一下先.


見到几面年輪清晰可見,記得尋秦記一幕古天樂識破千年古琴是假的,從樹的橫切面看一個一個圈,每個圈代表樹齡一年,我粗略數下,不得了超過一百條,

咪超過一百年以上,木材我唔係專科,雷霆求兵,影相wechat比去北京深造的大學教授,佢話緬甸舊雞翅木,原材料數量比酸枝及紫檀小,做傢俬更少.

檢查過無損傷,至少值幾千以上,很歡喜之餘,即刻感恩上天又賜給我的福布.無心插柳柳成陰.

以下最近我帶佛牌組合,又比大家參考一下,研究神奇免費執寶的經歷,有関連嗎?

timtim123

師兄運氣好好，多D做埋善事張會更好，多謝分享

goronfan

C兄好野~~話時話百年樹木會唔會有樹精架

小小牛

咦, 請問你條頸繩係邊處買的

luiho

小小牛 發表於 11-9-2015 09:57
咦, 請問你條頸繩係邊處買的

佢個fd幫佢穿架

kalvin

goronfan 發表於 11-9-2015 09:04
C兄好野~~話時話百年樹木會唔會有樹精架

以前做傢俬用的木材，最少都過百年，上山執粒石，可能已過億萬年，返來之前，唸下大悲咒，唔怕嘅！

kalvin

小小牛 發表於 11-9-2015 09:57
咦, 請問你條頸繩係邊處買的

朋友介紹,本來想去西九龍中心三樓有間玉石店識織繩,下面果條用八條線織成一條,長度自選,$100仲有錢找,之後想再織多條特別繩,可惜連休多日,
始終戴頸繩舒服啲,咁啱發現有第二間識織繩,喺旺角X之堡上面,果度好集中,包膠殼都有,我講笑同老友講:你十月去泰國,不如學埋包膠,織繩唔駛我周圍揾,

仲叫佢做高檔啲我第一個幫襯佢,包水晶殼或藍寶石水晶面殼,咪唔驚膠殼老化囉,唔怕弄花,佢話睬我都傻.

織繩果間找到了,老板娘仲識織用繩包殼,我就講咗我心目中點織法,挑選了黑繩撞彩繩,再用左右銀扣,效果唔錯,埋單要幾百,所以幾時都話周邊產品才需求大,賺得最多.

神龍猜

多謝樓主經常分享

喺旺角X之堡上面,老板娘仲識織用繩包殼

o係呢度提提各位,如果去佢老公果度(織繩對面)請牌既話,就十萬個祝君好運

小小牛

luiho 發表於 11-9-2015 10:07
佢個fd幫佢穿架

Luiho兄真係同樓主好熟喎

小小牛

goronfan 發表於 11-9-2015 09:04
C兄好野~~話時話百年樹木會唔會有樹精架

師兄這個問題使我諗起澤度今呢