|
小弟係接觸佛牌先之前呢,就一直都帶開水晶既,主要都係想升下運,避下邪咁
自從去泰國拜左象神/四面神,而且開始研究佛牌啦,最先係泰國供請左2539屈曼冠碰既 泰王登基50週年慶典版既崇迪,同龍婆孔既象神
因緣制會之下呢,係網上搵到unite,好彩唔係邪惡台,係哩到了解左好多佛牌知識,佛教既知識同道理
之前有位師兄開POST問過佛牌係咪會影響人既情緒,我覺得係絕對會既
首先講下我講下帶崇迪既感覺, 我帶左尊牌心境的確係會平和,無咁易燥,當然總會有控制唔到既時候而象神呢就無咩特別感覺,但其他事就有影響,例如係小生意方面,的確會好左咁
咁輾轉之間我睇到唔同師兄都係到介紹龍普庵師父,我都有留意下既,特別講佢為自身2期馬下立加持,唔舒服出院都要去幫批牌再加持,真係有D滾動
留留意下,諗諗下,自己都決定請返尊試下係咪真係正如各位師兄所講咁好呢 最先就請左龍普庵自身2期馬下立啦,我帶上覺得個人都會好平和而且會有喜悅既感覺,哩種感覺好神奇,唔係呃你,係之前帶過牌同水晶都無哩種感覺,帶完真係會好舒服同好心情
咁之後我又請埋師父既一期自身試試啦, 果然一樣,感覺仲會強烈D添,哩種滿足既感覺真係好好
個人開心,好運就自然會黎所以我會繼續支持庵爺
小弟都係貧苦人士,無咩能力請到特別材料做既牌,都係請到普通D既版本,不過我覺得唔會影響既,帶得開心就得啦
|
評分
-
7
查看全部評分
-
|