[新手幾問] 我有個鷹神, 將會有個坤平,魯士頭

sannyg

大家好. 小妹初接觸佛牌, 有少少問題想請教.

1. 見戴佛牌要守五戒, 如果接觸佛牌前已犯其中一戒, 到目前已接觸佛牌, 已犯的戒仍未戒到. 咁佛牌是否不會理會我?

2. 咁就守戒黎講, 咁撈偏的人咪戴牌都無用? 但其實好多撈偏的人都有戴佛牌架喎.

3. 大家知啦. 女仔對擺係身既野都要求靚靚. 尤其係飾物類. 咁我覺得自己個鷹神唔係咁靚. 就咁擺係屋企個櫃到當鎮宅用.
咁其實戴住,同擺係到, 有乜分別架?

4. 最後, 我唔知自己的佛牌是來自何廟, 何師傅, 年份. 我沒有詳細問. 但肯定是正牌, 因為絕對信任幫我請這些佛牌的一位朋友.

少少分享:
鷹神已經請左1年左右. 唔太記得. 因為請個時都半信半疑, hea擺埋一二邊無理.
到近來覺得就咁唔理佢唔係咁好. 於是想請走佢. 就諗住拎返俾個朋友.
當無理個佛牌咁耐, 一拎上手, 成隻手都好痺. 我就知個佛牌好有力.
咁朋友問點解想請走佢. 我講完理由後, 佢就分享佢戴佛牌的經驗/事情.
咁我就開始覺得有信心, 決定繼續keep 住鷹神. 俾心機將佢擺係屋企. 有清水俾佢. 會每日念3次佛首經.

咁擺好左唔夠1個月, 尋日用廚房較剪剪野, 點知一善手, 把較剪跌緊落地. 個下我勁驚, 一來把較刀好大把, 二來跌落地好可能插中我隻腳.
跟住唔知邊到黎既敏捷, 一手捉返住把較剪. 個下覺得「咦? 我幾時變得咁好身手...」

另外又想講, 我本身極少病/受傷(touchwood)
但呢個2015年,
年頭, 一級樓梯令我腳指尾骨折, 篤左枴杖2個月.
上個月, 尿道炎
早幾日, 俾剃毛刀割走左手指公一忽肉...
感覺好似個身體成日有損傷咁.

我覺得自己還未有一個適當的心理對待我的佛牌.
對鷹神已經唔算好好. 而家仲請坤平同埋魯士頭.
各位師兄師姐, 我應該點呢? 可以指教一下嘛?

萬分感謝

鷹神正面

鷹神正面

鷹神背面

鷹神背面

魯士頭

魯士頭

坤平

坤平

     

神龍猜

呢個係師傅自身牌黎架(後鷹神)師傅自身牌好野黎有機會搵人鑲個靚殼啦

其實病痛呢樣野一定會有,唔洗咁擔心既

sannyg

原來係師傅自身牌

sannyg

咁係咪要知邊位師傅先知個牌有咩功能？

神龍猜

sannyg 發表於 13-6-2015 18:41
咁係咪要知邊位師傅先知個牌有咩功能？

邊位師傅就待高手解答

但據很多師兄講,師傅開光自身牌時,因為係用自己法相,所以會特別用心開光!功能全面!

有些師兄會留意該師傅擅長什麼法門,但一般自身牌都係招財/人緣/平安~呢幾方面

師姐第一尊牌就係師傅自身牌,睇黎你同師傅有緣

好多牌友接觸佛牌一段日子後,都會追求師傅自身牌

其實佛牌可以唔外露,好多人戴自身牌都唔會外露,不用太介意佛牌品相有機會就搵人鑲個靚殼啦

小小牛

我帶佛牌無守五戒喎

BKA

隨緣 行善

我地唔係僧人 無可能守足五戒
只要保持平常心 多行善
那怕只遵守一戒都已經好好
做錯事有悔過之心
功德 佛牌都唔會失去其意義及功效

sannyg

多謝各師兄師姐賜教

Marron

1. 我剛接觸佛牌時都無守五戒，依家接觸多左，盡自己能力守五戒啦！始終係件好事。

2. 戴佛牌唔等於撈偏，佛牌唔等於正牌（有d人on99帶陰牌）。至於有無用呢，要睇個人福報喇！想要多d福報，善心好重要，持續做善事，做回向，對你係好架！不防多做。

3. 佛牌無需供奉，與其放係屋企不如試下帶啦！佛牌可以唔外露，如要求唔靚唔帶，你搵條靚靚佛牌鏈咪攪掂Lu~ ~ ~

4. 佛牌是來自何廟, 何師傅, 年份。。。呢樣要等高手答！

至於病痛，每個人都會有，師姐無需放心上。
多d做功德，多d做回向俾你嘅怨親債主，自然順順利利。

"適當的心理對待我的佛牌" 我就咁諗：師傅、龍婆為佛牌加持，俾善信恭請；天神、佛祖保祐你，幫左你，之後當然想你幫更多嘅人，良性循環持續落去，咁就太美好喇！