分享將軍澳放蟹記

DanielYau@FB

先感謝小小牛同danielchung 2位師兄講左重點, 要注意事項我知

本人今日一收工, 就馬上去將軍澳某街市

行了一圈發現有間有我想搵既花蟹, 可惜既係, 早我30秒有3隻生猛蟹成為2個公公婆婆既晚餐

因為去到都晚, 選擇不多了, 我聽媽媽和同事選蟹方法, 找到7隻生生猛猛, 多肉既蟹, 之後因為都差不多, 就死就死咁, 就求其搵左2隻

之後問價比錢, 可能都晚上6點45分到, 佢要收鋪, 感覺價錢係比想像中便宜, 比完錢, 我就叫佢幫我解左D 繩去, 佢就問我, 你要黎放生呀, 我話係呀, 之後變臉, 佢好似有點不喜歡咁話, 我地冇交剪, 幫唔到你., 之後我就自己去買把啦

行到海旁, 我就搵個位, 之後用上次UNITEHK.COM 放生時, kikiki 師姐POST 的經文念一次, 接著讀3次三皈依, 之後行落好多大大的石頭就坐低一隻隻鬆綁, 丟佢地下海.. 點知原來有隻冇左隻鉗的, 真係冇留意到, 佢生命力都好弱, 到我放到佢落海, 隻隻都拿拿聲走, 得佢係原位, 到我走個時都係, 感覺佢死左OR 等緊死!

天神將軍

師兄善心

DanielYau@FB

danielchung

師兄善心

我都遇過D魚販唔鍾意賣比人放生

好彩宜家比我遇過個好既魚販，雖然佢成日都要殺生，但都成日放，有次我去買魚放果時，佢比多兩條我，叫我幫佢放埋

kikiki

師兄善心～ 將軍澳邊度放呀？！

DanielYau@FB

danielchung 發表於 23-3-2015 22:30
師兄善心

我都遇過D魚販唔鍾意賣比人放生

其實係師父叫我放生, 要放幾次, 我都念左好耐, 不景我人工真係不高, 蟹都唔平的
但同朋友家人講過後, 佢話可能你本來條路係咁咁咁，師父教你一個方法，可以走到第２條路既，　機會就比左我行唔行我自己決定，　如果唔做就會去反你已安排既路

我覺得正如班蟹本來就係等死，　我比條路佢行，比個機會改變佢命運，　最後佢又比人搶反定兒孫滿堂，　都係佢的命運

其次, 我係問左佢幾錢, 比左錢先話係放生, 我冇壓過任何價的, 就係唔明點解佢會變，　感覺就係聽到放生不滿囉。

我又覺得正如魔鬼，　你明明係要受業障，但現在你放生等同ＳＡＶＥ　佢生命，　係大德，　魔鬼又點會比你完成得咁順暢，　就如我明明見到佢有把刀都可以借我，　但佢都話冇野可以借比我開。搞到我要我自己買把剪刀，　我行去石排都危險，　解個時都難ＧＡ，　有隻重懶屎，　有２隻想夾我，　我就比把交剪佢夾，　點知佢一玩就玩左１０幾分鐘，　因為我係一隻隻蟹自己剪一１隻隻放，佢又夾住我交剪，　我本來打算用４５分鐘到，　最後都變左用左９０至１００分鐘

對比上次ＵＮＩＴＥ　好多師兄都出錢出力，　我真係冇得比

DanielYau@FB

kikiki 發表於 23-3-2015 23:30
師兄善心～  將軍澳邊度放呀？！

地鐵將軍澳站出，　近單車徑某位置，　水質係ＯＫ，　但我唔會次次去尼度 謝謝師姐你的稿

roy911

師兄善有善報，支持支持

489

支持師兄善心

小小牛

放生的生命有死吾緊要, 存活率好難百分百的, 有百分之七十以上的存活率已經很好 最重要的是心態正確, 等你放多幾次, 有經驗了, 就會愈放愈多生到的了 而且, 那隻不生猛的蟹雖然最終可能都是會死去, 但能死在「故鄉」, 總好過死在被人生剝刀斬之下嘅