本帖最後由 kikiki 於 6-3-2015 11:44 編輯
上回講到我朋友比人劏到一頸血, 佢己經將喺信和X旺請既牌除底咗無帶…. 早兩日佢話工作又小小唔順,有單野由未過年拖到而家都未攪掂, 同埋我見佢塊面有D灰灰地, 氣色麻麻…. 咁我就借咗我其中一個牌比佢叫佢帶住先啦…. 睇吓帶咗後會唔會好D…. 不過我千叮萬囑佢唔好將我個牌同佢D牌放埋一齊 (其實好矛盾架, 我好想幫佢, 但係又唔知可唔可以借佢帶?!)…. 最後都借佢頂住先…. (我借比佢之前都有同個牌講聲專重返)…. 當佢帶起我個牌果時就話有小小頭痛, 我話係咁架啦要時間適應嘛…. 大家各有各返屋企後, 即晚佢打比我話, 頭先飲水一斟水隻杯就”卟”一聲爆咗…. 係一隻新買既勁厚玻璃杯, 同埋唔係第一次斟熱水落去, 用咗幾日尋日都無爆啦, 而家又會無啦啦爆咗真係抓爆頭…. 咁我同佢講可能幫佢擋咗D野或原先佢D牌唔高興佢帶個新牌返去啩…. (我心諗如果真係後者, 其實佢D牌會唔會真係可能有陰, 我請咁多個正牌都無試過有咁既情況, 最激都係頭痛我一個禮拜啫….) 尋晚佢仲病埋tim… 師兄師姐… 我係咪應該拎返個牌定係叫佢繼續帶呀?! 咁如果當佢帶到適應咗(個樣唔灰既時候)我拎返個牌咁又會唔會有影响呢?! |