月經post 大家最初點解接觸泰國佛牌?

麥麥麥

0係咁多位師兄/姐面前, 小弟只係一個small potato,
所以開post其實聽多d大家既經歷, 分享

不過既然開得post, 雖然唔精彩, 但點都要拋磚引玉, 分享一下自己接觸泰國佛牌既心路歷程

仲記得2008年,小弟剛升上大學,果陣仲有三個學分,可以去其他系選科,就揀左一科中文系既科
個名已經唔記得,貪佢無考試,上80%堂,做一個presentation,同埋一份功課就ok, 咁正既科,唔take真係
對唔住自己,頭一堂講下呢個course讀d咩,d比分點點計,例牌走..第二堂先上,先知道揀左科係關於宗教既
教d咩就真係唔記得,訓足9成堂,但因為要做一個presentation,內容可以圍繞住個課題自己set,
set完老師話ok就可以做, 要present 15分鍾左右. 而我當其時就set左做符咒法術咁上下啦
雖然諗住都係網上copy & paste..鳩hea咁up 15mins就算  不過始終老豆老媽比學費, 咁辛苦升讀到大學
雖然得3個學分, 但都係分數黎, hea做hea讀都係要交貨, 既然題目自己set, 無得怨人啦, 於是就的起心干
搵下資料  如是者 0係製作呢個演說過程中, 我認識左好多符咒呢方面既野, 而link link下 亦首次接觸到泰國
佛牌  當時其實都想睇多d  不過見好似好多種  又咩坤平  又咩必打  又唔知咩q黎 名又奇怪難讀 而且我個presentation都係
圍繞中國果d, 所以睇睇下都無睇  繼續搵返中國果d野  到後來做法術一part  link link下 又link到和合, 和合又點少得降頭
降頭又點少得泰國, 於是又有一個機會再睇多d, 開始知道咩叫龍婆, 亞贊, 古巴, 牌有分正陰,等等..不過因為趕住交
所以都無咩再睇落去   
講返個present, 唔知點解,愈做愈有興趣, 愈做愈有心機, 到後來, 直頭send左成20-30個e-mail出去
比邊個?? 就係比香港既神功/六壬師傅.. 內容大概係..我係xx大學既學生,依家做緊一個關於中國傳統符咒法術既
報告, 想問可唔可以拜訪一下貴壇, 傾下計, 影返d參考圖片等等.. 當時有兩個師傅覆我
而其中一個我仲拜左佢為師 過埋教 但返左一年左右 就無再返了 原因唔係我唔信個宗教法門
而係覺得當時果位師傅處處向錢看, 當然佢會話學左咩野咩野, 就可以點點點, 但就覺得佢純為錢
而當其時, 亦有3,4個同期拜師既師兄姐有呢個感覺, 再加上後來發生左d事, 更令我盟生去意 (後面會講到...)
於是隨同期既師兄姐逐漸淡出左了...
而當年個presentation係空前成功既, 因為兩位師傅講左好多野比我知,仲請左幾條符返去比同學睇..同學同老師都大感興趣..

當時由於住宿舍,行動都比較自由,所以返壇過教既事父母都唔知既,但我女朋友就知既 (女朋友係宿舍既同學)
女朋友當時無話贊唔贊成,不過佢就無跟我返,如是者,好快我就到year 2了

好景不常, year 2學期中, 女朋友鬧分手了, 佢變左心, 當時我無論求, 喊, 以死威脅 (依家諗返真係覺得好傻,做左呢個舉動,註定就算一齊, 都無可能變返以前咁), 佢都係唔肯一齊, 於是,我就即時諗起自己係一個xx教既徒弟, 於是自己試用法,
但唔成功, 當時得一個選擇, 就係搵師傅幫手...一到師傅果到,我講左少少出黎,佢就話早算到我呢一劫,因為我未夠法力,
要佢出手...實質幾錢唔講, 但係都有幾萬既..前前後後用左..用哂我呢個清貧大學生..由細到大既利是錢..加埋努力儲既補習錢..
最後當然係唔成功...而師傅就話係前世業債..我要再過高一教...再做xx法事先得, 前後要洗多成皮..當時我真係無咩錢...
師傅就問我一段感情緊要定錢緊要...就叫我問人借...第日慢慢還...到果一刻我突然清醒左....我學左法一年,自問個個星期返足壇,個個月有比館費,xx旦果d都出錢出力,有新人黎,無人自願試刀,我試刀,辣香,咩都制,總之師傳要求,我一定應承...
於是師傅叫我借錢果一刻,我就問左一句..."師傅,你可唔可以幫左我先,我慢慢還錢比你?" 之後師傅就話 "法x, 師傅都要食飯,
依家係你要師傅幫手解決問題wor...xdfdsgg　（後加一大堆道理）　”　　我果刻如夢初醒，好失望，無錯，師傅係要食飯，
所以過教費，館費，咩費都好，我都覺得合理，但果一刻我覺得，相處一年多，我既品性係點，師傅應該都好清楚
我係一定唔會走佢數．．．但．．．當時就同自己講，自己太天真，師傅無錯，人不為己，天誅地滅．．．
只怪我接受唔到現實．．當時忍痛咁同幾位同我有差唔多感覺既師兄姐一齊慢慢無返壇了．．．

無返壇後，女友變心後，自己都係放唔低，有一晚突然諗起上年做present時睇過泰國既泰國聖物可能幫到手, 於是就決定試下,
最初只係知道咩聖物大概有咩用,但就仲未知龍婆做,亞贊做,古巴做有咩分別, 有聽過正陰, 但真正係點..都唔太知點界定...
而同一樣聖物, eg 坤平..好多個師傅都有出, 應該請邊個出既口又唔知... 應該同邊個請,牌店定網上既師兄又唔知....
個budget幾錢到又唔知...但當時因為最方便都係上網睇..於是就上左一個forum問...點知又比人水....話可以幫忙做愛情降...要5000蚊, 仲寄左d聖物比我...(當時唔知咩黎..後來知係 incool...但係係假既 ><)
當時我以為有望..就搏命補習...由於當時間大學都叫做幾好, 所以一粒鐘都有120-150蚊,默默補之下..好快就搵到5千蚊..
比左錢, 收到聖物, 同時間佢話做左野, 但完全無料到... 之後我再追問佢..account無再上forum, 電話cut左...狂send e-mail都無人應...但個心都係不死......果陣就一有時間就爬文..好快好快...佛牌知識就增長不少...而當時就遇上另一個佛牌界奇人...點解咁講..
一開名大家應該都會公認..就係neo...點遇到佢唔詳細講...當時同佢請左一樽 "屍油"既野....但用都未用,因為覺得太邪了...
請左唔敢用..因為要直接搽0係對方身上...於是我好快就擺上網放..好快就有人接收...不過依家諗返起.,.有d後悔呢..後悔係証明唔到樽野堅定流...可以肯定一樣野...neo雖然依家臭名遠播, 不過我覺得佢對陰野既認知真係有返咁上下, 口才亦都好好~~~
之後再上下網睇睇,當時佢開始比人踢爆賣假野...好多負面野....但到今時今日..我都仲係覺得neo雖然可能真係做左d負面野..
但佢真係有真心為人既一面,至少果次唯一一次見面,佢比我感覺好pro,好誠懇, 同埋都係果句..就算依家自己對陰既野認識多左..
接觸亦多左...諗返起當時佢講既野...好多都係真既... 而可以講話亦因為當日佢既說話,令我對佛牌呢個世界更加想了解更多,
而唔係單純為左追返女朋友...所以..希望昔日呢位為我開啟呢方面興趣既人可以好自為之...做一個真正將佛牌發揚光大既專業佛牌商人/愛好者/修法者...

如是者,攪左一輪..最後我第一次供請既聖物係一支jj, 係palakit...0係學校附近一間佛牌店, 而當時唔知係咪聖物關係
但我0係有求願下, 無幾耐的確同女朋友復合了, 不過,到year 3時,我地最後都係和平分手了
而期間我都無試圖借助聖物復合...不過此後就令我對泰國佛牌聖物有無限興趣

到今時今日, 都做左野年幾有多了, 接觸泰國聖物, 數數手指, 都三年幾了, 比起呢到好多師兄/姐,版友,
小弟對聖物既知識當然少之有少, 不過, 接觸既牌/聖物多了, 人多了, 的確開始有自己既見解同體會...
你話我會唔會請左d牌返黎唔求事...完全唔求就真係呃你既, 始終生活係現代社會, 無慾望係無可能,
小弟都係一個平凡人...係一個絕對膚淺既人...想得到既..不外乎多d錢, 平安同埋女人...所以求就梗架喇...
不過就唔係強求, 係覺得好似多左種力量幫助, 順既時候會更順...差既時候會有佢地頂一頂...
so far..到依家...生活雖然平淡, 但至少有一份穩定,有前景既工作, 女友雖然沒有, 前排仲剛同對上一個分手,
但我相信佛牌聖物, 神/佛/仙, 姐姐等一定會幫助我, 令我得到更多機會 ^^
而呢三年多, 總括黎講都唔錯呢...呢個信仰 + 興趣, 我相信會一直延續呢...

故事講完了...哈哈..太長了吧...

到你地喇...快d講下你地既故事丫 ^^

wi8k8

利害…
寫故事一定無你咁好文筆，都係…算把…
師兄三年多經歷…
多謝分享呀！
{:6_295:}

麥麥麥

wi8k8 發表於 9-11-2011 20:59

                               
登錄/註冊後可看大圖

利害…
寫故事一定無你咁好文筆，都係…算把…
師兄三年多經歷…

因為今日放假嘛...
得閒在家, 咪打出黎, 大家分享下..
引一引你地講下你地接觸泰國聖物既經歷嘛

一定有好多好多更精采既相信 ^^

麥麥麥

其實我只係一個好好好業餘既用家/愛好者, 佛牌知識係好淺好淺...
接觸有三年多, 你話邊d神/佛有咩幫到我地邊方面...邊個師傅做既牌有力...呢d基本野都略知一二
但你話去到分下呢個牌第幾期, 呢個真定假, 估價, 邊個做..就真係唔識喇 ><
亦都唔會刻意去鑽研...始終我只係一個業餘既用家/愛好者, 請牌都係講眼緣同個信字 ^^
不過見既野,接觸既牌同埋人多左...開始都有少少心得..而相信唔洗刻意..經時間洗禮..經學費洗禮..
經自身感覺...呢方面既能力同知識都不斷增長中呢~~
而點解我會產生興趣呢...係因為我覺得唔同其他興趣..佛牌知識係無限既, 當中有好多
好多奇蹟, 人同事..都好得意... 每一次去同人交收...每一次行入去佛牌店..就算唔請牌..但大家交流下..
都學習到..吸收到新既野...再加上你用心對個牌..,神佛仙, 姐姐,小朋友,哥哥等等都會幫你..的確自身各方面都會改善...
所以...一個無窮趣味..又幫到自己幫到人..同時更可以識多d朋友既興趣...係邊到搵呢 ??^^

極醜惡

你話我會唔會請左d牌返黎唔求事...完全唔求就真係呃你既, 始終生活係現代社會, 無慾望係無可能{:6_314:}

啊賢(:

{:6_327:}{:6_327:}{:6_327:}

rr1628rr

麥麥麥 發表於 9-11-2011 23:33

                               
登錄/註冊後可看大圖

其實我只係一個好好好業餘既用家/愛好者, 佛牌知識係好淺好淺...
接觸有三年多, 你話邊d神/佛有咩幫到我地 ...

完全認同你的說法！祝帶牌快樂！事事順意！

八哥俠

多謝c兄分享.......咁c兄而家有無拖拍...

lusi1661

多謝分享！！！

麥麥麥

八哥俠 發表於 10-11-2011 10:10

                               
登錄/註冊後可看大圖

多謝c兄分享.......咁c兄而家有無拖拍...

無呀

師兄係咪有介紹{:6_339:}??