(個人經歷)古曼與墜胎

神龍猜

前言:首先呢件事已經事隔多年,只係想講/留個經歷俾大家知,唔想有不快發生

10年前我第一次戴佛牌,我當時17歲,佛牌係坤平,戴左3個月之後就識左我人生既初戀女友,跟住佢就搬左去我屋企住,但我阿媽唔LIKE佢,半年之後佢搬返去佢屋企.之後就一星期keep住一次開房,呢種生活keep左一年(我同女友由第一次性行為開始就冇戴安全套(意思你明),我女友未識我之前都墜過三次胎,經手人一聽到佢有左bb後就走左/分手後女友先知.我女友同我講佢唔會再有bb,所以我同佢兩年多性行為都冇戴安全套)~當時想運氣好d,就請左兩個古曼,一個咩巴(亞贊/路史做)

請左三個月之後~後尾我同佢搬左出去住~搬左出去住3個月左右,佢有一日同我講佢有左~佢問我要唔要~我諗左一個星期之後決定唔要~於是我陪住佢去墜胎~醫生係我女友以前果個醫生~(當時古曼在香港未普及,資料不多,而且年少無知,冇意識到墜胎與古曼既關係)

呢件事發生後1個月,我同女友各自搬返自己屋企,跟住都有keep住開房.

幾個月之後,我同女友分左手~由去墜胎開始~我生活上有好多不如意事發生,最基本工作上,之後狂轉工~但每一份在人事關係上都好不如意~幾個月之後我就將兩個古曼,一個咩巴放在櫃筒內冇再戴/供~坤平都冇再戴~後尾債台高築,曾經自殺.自殺途中決定放棄,我馬上將兩個古曼,一個咩巴拎去碼頭拜一拜,講sorry之後放左落海~(呢件事都6年前)

不知什麼關係,放左兩個古曼,一個咩巴之後...打後幾年既日子都過得好左~生活平凡~

最近某種原因,戴返佛牌,亦請多左幾個新佛牌~搵呢方面既野,發現現在很多人供古曼~所以有感發呢個帖~

後語:發呢個帖原因係想分享我既經歷俾大家/大家朋友,無論有冇供古曼都好,唔想有罵戰,千萬唔好墜胎.


補充內容 (8-2-2015 01:47):
一直都感受唔到古曼既存在~我係一個唔想生小孩子的人~當時同女友一齊大約兩年都冇BB,但之後供養古曼後的兩個月左右~女友就有左~BB是我的~呢件事令我覺得係古曼既安排~

gmg168888

浪子回頭！金不換   如果心裡面有吾舒服,不如搵日去大棠.太和寺,搵師父傾下計！  [[本來想加Ｄ分比你,但今日用哂,明天補番]]

Heabatov

多謝師兄分享個人經歷
歡迎你加入unite

Rajini

師兄多謝分享經歷!

同上一位師兄意見一樣最好去寺搵師傅傾下

homelessking

多謝師兄分享，我相信師兄過去嘅不順係因為你要還返所做過嘅惡業，請繼續行善積德，生活一定會繼續順利落去，加油

小小牛

墜胎係殺業, 仲要係殺人, 果報當然吾會好, 這就不用多說了 至於古曼, 你請的是阿贊做, 而不是出自龍婆和寺廟, 可能是陰物唷

神龍猜

感謝各位~有機會會搵師父傾下計~

奇妙既事件真係令我相信有古曼既存在~我係一個唔想生小孩子的人~

當時同女友一齊大約兩年都冇BB,但之後供養古曼後的兩個月左右,女友就有左.BB真是我的.

種種事都令我係古曼既安排~

bosco2206

支持師兄分享經歷，多行善必定會好起來的！

gmg168888

神龍猜 發表於 4-2-2015 12:27
感謝各位~有機會會搵師父傾下計~

奇妙既事件真係令我相信有古曼既存在~我係一個唔想生小孩子的人~

師兄！.供古曼既心態好緊要...他只糸一個小朋友！吾好有太大...冀望....先決條件..只有付出.不問收獲！

神龍猜

現在想供養古曼都會三思。。。。。