多謝四爺免我牢獄之災

天神將軍 · 發表於 24-1-2015 11:21

前排返大陸，諗住帶條號稱國寶級毒蛇返香港，呢條蛇係國家二級保護物種，僅分佈湖南某幾個山頭，野生數量約500條，若然俾大陸海關check到，應該幾麻煩，所以我出門之前求過四爺保祐我可以順利返到香港……

亞特蘭提斯 · 發表於 24-1-2015 11:27

你帶番嚟做咩

andy5302000 · 發表於 24-1-2015 11:44

這樣蛇不就更少了。。，，

alexkayak@FB · 發表於 24-1-2015 11:47

得返五百條，應該由得佢地自由自在生活，点解要困住佢?而且呢D根本係違法行为!

天神將軍 · 發表於 24-1-2015 12:21

約咗條友深圳交收……點知最後條友話發貨出現問題臨時甩底，咁惟有返香港啦，打算搭地鐵返羅湖，去到地鐵站入面，俾安檢人員叫停，叫我將背囊放入X光機檢查，心諗好彩交收唔成，唔係就仆硬街，過機嗰陣，睇機嗰個安檢大聲咁同佢另外一位同事講:他背包裡有折刀……我聽到都呆咗，心諗冇理由:我點會有折刀喺背囊啊？跟住另一個安檢人員就check我背囊啦，check完冇發現，佢地就再將我背囊放入X光機再掃一次，點知結果都係話掃到有折刀，佢地第二次檢查我背囊，今次好認真咁摷，然後喺背囊暗格位揾到個腰bag，今次我見到個腰bag真係堅呆咗，我知呢次真係仆街了，我竟然唔記得將個腰bag留喺屋企(因為呢個腰bag係我平時行山專用，愛黎袋煙同電筒同埋…………一把折刀

哩把刀都ok堅下，我係用黎預防行山嗰陣俾人打劫時，可以隊佢老母臭X……)安檢人員問我點解會有把折刀，(當時正值新僵人頻繁咁喺火車站亂咁斬人嘅敏感時刻)……我惟有講:這把刀是我平時在香港上山郊遊的求生工具，我昨天回大陸時忘了拿出來，可以給次機會嗎？……佢地話呢個情況需要call民警過黎處理。我就係咁求饒，我話俾次機會啦，把刀你地沒收咗咪算囉，求咗分幾唔够2分鐘，佢地問我趕唔趕時間？我老西都話趕啦，然後叫我出示身份證，我就連埋回鄉證2張俾佢地睇，跟住佢地睇咗2張證件後就叫我走，不過把刀要沒收……跟住我連聲道謝後就急急腳走人……雖然最後帶唔到條蛇返香港，但我本人都可以順利返到香港，事後就緊係嗱淋去大圍四爺廟還神啦……

天神將軍 · 發表於 24-1-2015 12:23

亞特蘭提斯發表於 24-1-2015 11:27
你帶番嚟做咩

諗住帶返嚟養

天神將軍 · 發表於 24-1-2015 12:24

alexkayak@FB 發表於 24-1-2015 11:47
得返五百條，應該由得佢地自由自在生活，点解要困住佢?而且呢D根本係違法行为! ...

我買嘅係人工繁殖個體

亞特蘭提斯 · 發表於 24-1-2015 12:40

天神將軍發表於 24-1-2015 12:23
諗住帶返嚟養

養毒蛇咬中你點算

天神將軍 · 發表於 24-1-2015 12:45

亞特蘭提斯發表於 24-1-2015 12:40
養毒蛇咬中你點算

我地玩開毒蛇識得點捉，當然意外好難講，此品種10分鐘可致命，而且外來種冇血清

天神將軍 · 發表於 24-1-2015 12:52

不過都打算放棄養蛇LU......困住佢有違常理，餵老鼠又變相殺生，罪過罪過

		自動登錄	找回密碼
密碼			新會員登記

[四面神] 多謝四爺免我牢獄之災

相關帖子