如何處置家中的公仔?

sammihocc

近排屋企d電器會無啦啦熄左,搞到我好不安,成日疑神疑鬼
但自己又感覺唔到屋企有野.
不過今早諗起屋企梳化頂有個barbie公仔(好細個,男barbie, 未開盒,都放左超過10年了),好驚會唔會係有附靈(定係我諗多左>.<)
想問如果唔想要,應該點處置?(怕有野)

希望有人解答我,因為我不安左2星期,成日疑神疑鬼好辛苦>.<

阿森

放左超過10年，係有野都唔係而家先有啦，放鬆啲啦師兄，心理作用姐！可能係啲電器夠期換姐，試下買過啲新電器啦

sammihocc

謝謝版主回覆
但我真係好驚,雖然心知係無野,但我好神經質,少少事就會弣動神經亂諗野>.<我都知有時我想太多,
其實我屋企有神位有觀音,一直都感到好安全,係呢2星期,個風扇無啦啦熄左,電視大制又無啦啦熄(明明我最後一個熄電視,起身發現大制熄左),搞到我疑神疑鬼T_T

danielchung

首先唔好太擔心先，就好似森版主咁講放左超過10年，係有野都唔係而家先有啦，係咪?

我都明白如果已認定左佢係有既，好難令到你心安架喇，如果真係好想拎走佢既，你大概可以拎去捐啦，應該有慈善團體收玩具既

其實果類眾生係多過人，而且佢地都有佢地既法則，唔會突然話依附就依附，如果係咁可能成屋物件包括電視，水杯都有野啦，係咪?

放鬆D，心唔舒服可以去佛寺探下佛祖，心靈自然會平靜

Rajini

可能係你屋企某些電器用耐左或者有新的電器使負荷量增加,
唔好疑神疑鬼住,有時睇多或聽多左D神鬼資訊都影響到心理質數,放鬆D

sammihocc

謝謝你們的回覆!
我都明白如果已認定左佢係有既，好難令到你心安架喇<----係呀>.<真係好不安

我想問我個BARBIE公仔好唔好掉左佢?我真係擔心

govampire

如果師兄真係好擔心嘅, 掉左佢都係一個好方法!
起碼你返到屋企唔會再見到佢, 亦唔會再疑神疑鬼!  

其實心理因素啫, 放鬆心情, RELAX!  

阿森

sammihocc 發表於 14-11-2014 12:27
謝謝你們的回覆!
我都明白如果已認定左佢係有既，好難令到你心安架喇.

我覺得搵慈善機構捐左佢會好的，因為可能係你覺得有野，而唔係真係有野，掉左佢會好浪費！

axe

掉又好 , 捐也好 , 自己心安就好 !
一間屋( 環境許可 ),多开門窗生風入 ....

Rajini

sammihocc 發表於 14-11-2014 12:27
謝謝你們的回覆!
我都明白如果已認定左佢係有既，好難令到你心安架喇.

我明白你不安的感受,不過D冤親不一定要依付在公仔裡,如果要你感受到佢存係你的空間任何形式也可,所以你愈擔心愈驚

你真係唔喜歡個公仔就掉左去,送人又得,不過版主提議係好,盡量唔浪費~讚