|
最近係其他網上交易平台見到好多由寺廟結緣比善信既佛牌,每件牌都賣到好高既價錢,離譜D講簡直就係開天殺價,嚴格黎講直情係歪曲左師父送出結緣佛牌既一份心意!!!
係Unite相信好多版友都有機會得到太和寺或者下白泥師父送贈結緣牌,大家有冇諗過師父結緣佛牌比你既意義係邊到?
用意係比你攞出去賣還是希望送給閣下既結緣牌能夠保閣下平安,令到大家能夠從佛牌身上學到佛陀既教導
或者有d人會話我山長水遠由香港或者其他地方飛去泰國跑廟搵師父都要車馬費,柴米油鹽樣樣都係錢,冇理由咁難得到師父送贈既結緣牌就咁放係屋企
(註:結緣牌通常在廟內既佛牌供請處係未必有得恭請的),唔攞出黎賣真係有d對唔住自己...
通常得到師父結緣牌都係因為幫廟做野,捐錢維修寺廟,但你出錢出力有時都未必有機會得到,想得到結緣牌要講下緣份,或者有人會好有計劃咁去幫廟做事
而去得到依件牌再去轉賣圖利,但我深信從咁既途徑賺返黎既錢都會跌返出黎,正所謂冤枉來,瘟疫去!!
另外都想講講見到有人係慈拍區以優惠價投得聖物隔1排之後擺係舖頭賣又或者拎出黎比大家拍賣,這種行為又係十分不恥..
慈善拍賣往往都係一些熱心會員將自己聖物捐出而將拍得款項捐回廟中,去幫助寺廟或其他慈善機構,並不是去幫助這些從慈拍區中拿著數的人..
不過本人亦深信因果,唔會踏入別人的因果
聖嚴法師:結緣的意思,是對沒有善緣或善緣不足的人,使他主動或被動地接受世法的幫助和佛法的引導,大家增長善緣,彼此互助,走上學佛修行成佛的路。因此,儘自己之所知所能與所有,跟我們所接觸的人和眾生廣結善緣,是應該的。不過,結緣並不是投資,而是施予,不該想到回收。以一己之力廣結善緣而影響他人也廣結善緣,就是布施。小則能夠造福自己當下所處的社會,增進彼此的幸福;大則可以影響一個國家乃至全世界,成為人間淨土。
|
評分
-
23
查看全部評分
-
|