男人30 無百萬無車無樓 揀唔過？

LEVIS

【晴報專訊】今時今日女性有甚麼擇偶條件？日前有港女發帖提問，男人將近30歲，如果無100萬、無車兼無樓，仍會跟他們拍拖嗎？遭網民鬧爆太勢利。有配對公司指，兩成女客人先睇收入後睇人，令不少港男汗顏。
網民「DustInGalaxy」日前發帖指，「男人將近三十歲，連一百萬港幣都無，同時無物業、無汽車、無其他財產。姊妹們認為，呢種男人養唔養得起你，會跟呢類男人拍拖嗎？」她認為三十歲男士的月薪最少要有三萬元，每年花紅起碼有兩個月月薪，才可維持婚後生活。
帖文發布三日，超過三百個留言討論。有人批評事主向錢看，不同意愛情只以物質衡量。亦有人慨嘆現實確實如此，無錢等於無愛情，直言「有幾多女仔會等男仔發達」。
80後港女：選有家底男友
現時單身的八十後Phoebe說，搵男友不會以「是否擁有百萬」為準則，但會揀做生意及有家底一族。「就算佢事業無成，都有屋企做後盾，日後結婚要買樓，男家都可幫忙，不用為首期煩。」來自小康之家的她，父母擁有三個住宅單位，加上不乏追求者，擇偶都想門當戶對。
姻緣配對公司約匯創辦人Connie指，約有兩成女客人以收入及資產為擇偶大前提，例如每周總有四、五個客人要求只與醫生及律師約會，亦有客人強調喜歡歐洲車，明言「唔想見揸日本車嘅男仔」，令她哭笑不得。
學者：物質環境添不安壓力
「一個可能是你付託終生的人，是否由一堆數字及資產可決定？」她說除經濟條件外，兩人的生活態度、價值觀及能否溝通也是考慮條件。她坦言配對是「你揀人，人揀你」，女士想覓得高收入男士為伴侶，也要想想有甚麼條件迎合他們。
浸大社會學系副教授黃結梅指，由於現今年輕人向上流的機會減少，面對經濟前景不穩定及住屋問題，在物質環境下感到壓力及不安，擇偶時不得不考慮經濟能力。「現時周街都係大學生，畢業後搵工亦不易，收入『掹掹緊』，連置業亦要家人資助，找對象時也想搵個可幫他們稍稍紓緩經濟憂慮的人。」
少女睇外表 中女睇收入
女性選擇對象的條件，會因應年齡而改變。極速約會公司「214 Dating」負責人Tammy指，30歲或以上的女性有感「青春本錢不多，不可再浪費時間」，擇偶目標明確且實際，例如要求「月入最少三至四萬，學歷要大學或以上」。
而20出頭的女性就以感覺行先，看重外表、體型及性格。「後生的女仔會考慮對方是否幽默、型唔型及Man唔Man，就算有消防員、警察非大學畢業，佢哋都會鍾意。」
Tammy坦言無論甚麼年紀，一半或以上的女性客人對「有樓」、「已有首期」男士會加分。「大概因覺得有樓較有安全感，起碼婚後住屋問題不用擔心。」


唉  女性想日後生活穩定真係好正常  但係現在既香港 真係........  吾識講  

tomy927

男人30 無百萬無車無樓

LEVIS

tomy927 發表於 18-6-2014 12:51
男人30 無百萬無車無樓

男人30 無百萬無車無樓  X2  

我覺得溝女 要 口才重於 車樓  
小弟幸好咁耐都未遇過一個講金吾講心既女友  
最想遇到D 激情吾講心   

tomy927

LEVIS 發表於 18-6-2014 13:03
男人30 無百萬無車無樓  X2   

我覺得溝女 要 口才重於 車樓  

最想遇到D 激情吾講心 吾講金

HugoSung@FB

又唔可以一概而論既，我好多朋友都無上述條件，咪一様擁有另一半。

LEVIS

tomy927 發表於 18-6-2014 13:05
最想遇到D 激情吾講心 吾講金

  同路

homelessking

tomy927 發表於 18-6-2014 13:05
最想遇到D 激情吾講心 吾講金

我想遇到D唔講金，唔講心，唔講樣，齋激情而又樣靚身裁正嘅得唔得呀

LEVIS

homelessking 發表於 18-6-2014 14:13
我想遇到D唔講金，唔講心，唔講樣，齋激情而又樣靚身裁正嘅得唔得呀 ...

我小時志願是搵個 講佢D 金 , 講佢個心 , 又激情而又樣靚身裁正嘅  

tomy927

LEVIS 發表於 18-6-2014 14:21
我小時志願是搵個 講佢D 金 , 講佢個心 , 又激情而又樣靚身裁正嘅

這些機會

mark0703

男人30 無百萬無車無樓 X3
到現在連一萬都冇