有嘢想唔通，係我執著定真係要研究吓？

tim1207

小弟有時都會到"慈善拍賣區"睇吓，做善事之餘又可以得到牌，但睇睇吓發現到一個問題，發現有啲師兄出價怪怪哋，例如每口價$10,拍賣回帖起初都好正常，但會突然間由原來例如$50, 一jump就到$240,唔係話有師兄出錢多就眼紅，而係奇怪點解會咁。 因為以小弟所知，某啲慈善機構係$240一個月嚟助養小朋友(小弟都有做開), 而捐款人可以要求每月攞收據。如果有師兄每月咁樣去慈善拍賣區拍牌…我覺得有啲唔係咁好，但諗深啲其實佢哋真係有捐錢，只不過數口比較精，所以又好似無咩問題咁

不過我都係比較陰謀論咁諗，可能嗰啲師兄無咁做，只不過我諗多咗。 所以想討論吓如果事情真係好似我咁諗，大家又點睇？

韋拿

多謝師兄提供，我們會審視依個問題同研究解決方法

tim1207

韋拿 發表於 17-3-2014 09:27
多謝師兄提供，我們會審視依個問題同研究解決方法

版主客氣，大家一齊研究，討論，睇吓點樣run好個論壇

亞特蘭提斯

好野wo 師兄 我真係無想過有呢個問題 我地會開會講講 謝謝

rr1628rr

小弟無知，我唔太明白和了解樓主所說的這個問題！有師兄可以解釋一下嗎？每個月去慈善機構攞收據有什麼好處和利益呢？交少D稅？就算交少D稅又怎樣呢？這是合法的。而且損款人真的有入錢去慈善機構。我真的想不明白有什麼問題。有師兄可以告知一下問題出在那裡呢？求知一問而已！

阿樹TEI

以我自己覺得 對得住人 對得住良心啦
隨心發喜

kkk

rr1628rr 發表於 17-3-2014 13:05
小弟無知，我唔太明白和了解樓主所說的這個問題！有師兄可以解釋一下嗎？每個月去慈善機構攞收據有什麼好處 ...

樓主的意思係用你每月都會入去慈善機構的錢·用嚟拿多個牌咁的意思·其實只可以話咁做的師兄喺度呃緊自己啫·

tim1207

rr1628rr 發表於 17-3-2014 13:05
小弟無知，我唔太明白和了解樓主所說的這個問題！有師兄可以解釋一下嗎？每個月去慈善機構攞收據有什麼好處 ...

其實無話對與錯嘅問題，我亦都無話邊個錯，只係想討論咁嘅做法大家點睇啫。你可以睇成無問題，可以接受。正如後生仔坐車唔讓座，你可以話係個後生坐先，佢有權唔讓，佢亦合法，無錯。

呢個post只係問大家有咩睇法，覺得ok亦可，覺得唔可取亦得，所以師兄唔使講4明，其實你覺得無問題就代表你嘅想法，同一件事大家有唔同想法，多謝師兄你嘅發表。

tim1207

阿樹TEI 發表於 17-3-2014 13:51
以我自己覺得 對得住人 對得住良心啦
隨心發喜

多謝發表意見，我嘅意思就係咁，想睇吓大家嘅睇法啫

tim1207

kkk 發表於 17-3-2014 13:53
樓主的意思係用你每月都會入去慈善機構的錢·用嚟拿多個牌咁的意思·其實只可以話咁做的師兄喺度呃緊自己 ...

多謝師兄意見