想請人生第一個佛牌,有好多野唔明..

LCK

想請人生第一個佛牌
主要用黎求願
本身我淨係知四面神
依家知埋原來澤度金都可以求願
爬多陣文先知原來好多天神/佛都可以求願,例如藥師佛
想知各位有冇覺得邊個天神/佛係最好
我主要想成願快

如果想供請澤度金既話
有以下呢幾個問題 :
想問下邊間廟同邊個師傅既出品最有效?
佛曆又係咩黎?又有冇話邊年出既特別好?
有經咒同冇經咒既有咩分別?
供奉型會唔會比起配戴型更加有力量?
小立尊同圓形個隻又有咩分別?
造牌既材料會唔會影響到個牌既力量?定係純綷係外觀問題?
如果會既話邊d材料造出黎既牌會比較好?
戴左佛牌之後有咩戒要守?
最後就係想知點選擇一個岩自己既佛牌,除左價錢之外係咪就係睇合唔合自己眼緣?


第一次請真係有好多野唔明
希望各位師兄師姐唔好嫌我問題多或者覺得我d問題白痴可以解答下我
唔該晒各位師兄師姐

tomy927

想問下邊間廟同邊個師傅既出品最有效? 個人認為龍耐 和 阿贊初  較有名(最有效不是用來說)
佛曆又係咩黎?又有冇話邊年出既特別好? 佛曆 為部分 佛教 國家（如 泰國 ）計算紀元的方式，該計算方式以釋迦摩尼去世當年度為計算基準
有經咒同冇經咒既有咩分別? 有經咒令你更能興天神感應
供奉型會唔會比起配戴型更加有力量? 力量在於誠心
小立尊同圓形個隻又有咩分別? 形狀 , 用料......
造牌既材料會唔會影響到個牌既力量?定係純綷係外觀問題? 造牌既材料會影響到個牌既(能)量,唔影響天神對我地嘅眷顧
如果會既話邊d材料造出黎既牌會比較好?
戴左佛牌之後有咩戒要守?唔講帶牌先,做人最起碼都盡量跟五戒而做,其他慢慢學
最後就係想知點選擇一個岩自己既佛牌,除左價錢之外係咪就係睇合唔合自己眼緣?仲要最緊要正牌


以上只係個人意見,不喜物插

Daniel0220

泰國是計佛曆的，等於而家是2014年 + 543年=而家泰國佛曆是2557
小立尊及圓型都只是外觀，只要自己合眼緣便可
物料只是出廟的限量，不會影響功效
戴左佛牌要更加孝順父母，不要鬧自己及別人的父母，多做善事才會得到佛牌幫助，心存正信正念
你選擇正佛正神的牌就一定啱你

不用心急選擇佛牌，慢慢爬下文，了解到佛牌背後意義才重要！當合眼緣才恭請

LCK

多謝兩位師兄既回答先
我一定會請正牌,陰牌自己都唔敢搞

我唔會鬧父母但有時如果比呀媽"哦"我個陣
個心會講句好煩呀,但唔會講出口
咁有冇問題架?

BlackCatKer@FB

我個人見意
1.想問下邊間廟同邊個師傅既出品最有效？
龍耐

2.佛曆又係咩黎?又有冇話邊年出既特別好?
佛陀圓寂時間後，我覺得舊好

3.有經咒同冇經咒既有咩分別?
有就更加容易有感應，而且唸經都係一種工德

3.供奉型會唔會比起配戴型更加有力量?
心存正念，力量就會一樣，應該話心存正念先會保佑你

4.小立尊同圓形個隻又有咩分別?
用料唔同，小立尊有啲人會拎出黎供

5.造牌既材料會唔會影響到個牌既力量?定係純綷係外觀問題?
材料係加強個牌自身既力，神佛既保佑來自自身福報

6.如果會既話邊d材料造出黎既牌會比較好?
主料都係粉，金屬，力泥，象牙（稀有），蠟，泥土
某啲料做出黎係會加強左道力，好似舍利子，符管，派古曼粉等

7.戴左佛牌之後有咩戒要守?
你可以從本壇中得知，我就自己會守其他介

8.最後就係想知點選擇一個岩自己既佛牌,除左價錢之外係咪就係睇合唔合自己眼緣?
唔知你信唔信，你可以自己拎上手feel下先

BlackCatKer@FB

LCK 發表於 16-2-2014 02:02
多謝兩位師兄既回答先
我一定會請正牌,陰牌自己都唔敢搞

冇問題，最重要係介講粗口果一句，你明白既

kkk

好多師傅做牌都好好。澤度金始終推薦。龍耐。阿贊初
佛牌的種類有好多種。用料都五花八門。好多你想像唔到的都會加落去做牌。
戴佛牌同做人一樣。我哋需要的係正信正念。如同做人需要正直一樣。
一個佛牌係同你夾的話乜法相的牌你戴都會順風順水。
新手交易都系爬多D文瞭解清楚D先。要記住佛牌只係輔佐。成功係要靠自己努力的。如果想不勞而獲的就的夜晚了

大自然

師兄,恕小弟不懂得說話,你有爬過文章,都是好事
但你現在的情況,和我最初,也和好多朋友一樣
出發點都是不太好,無錯,佛牌好多時都可以帶給人一些神奇的力量
也可以向佛牌求願,但小弟講的是,這個情況就會變成[貪]

這個[貪]字,小弟希望你去南傳佛學區,多爬文章
了解這個[貪]字給我們的後果
從此來認識我們是為什麼要佩帶佛牌
和一眾大德高僧最初是為了什麼來出佛牌
除了得到佛陀的加持外
係多希望我們認識佛學和佛法
不是希望我們去求願

這不多說了,願你找尋到合眼緣的佛牌
也希望師兄得到佛陀與天神的加持

kencheuk@FB

學到好多野{:6_327:}

LCK

BlackCatKer@FB 發表於 16-2-2014 06:03
冇問題，最重要係介講粗口果一句，你明白既

粗口個戒真係好難守
我成日好順口就爆左出黎