|
上星期本人女友又出事了, 事緣她有個好友因感情事, 約了她去酒吧傾心事, 女友當日有帶古曼一齊去的, 當晚, 女友請古曼睇住佢, 唔好畀佢醉倒, 直至回到家為止, 古曼當晚好稱職, 一直保住女友, 當晚飲飽傾飽後, 女友還懂得打電話同我講佢飲大了, 叫我在家地下接她, 當女友下的士後, 就出事了, 當女友一看見我(只可讚一句, 古曼真係好稱職, 一見我接手, 即收工) , 就開始語無輪次了, 入屋後就經典了, 一入屋無耐, 女友居然開始講印度話, 又跳印度舞, 重要入廚房, 拿著煎pan做手勢教我煎印度薄餅, 果個情景真係, 唔知好嬲定好笑, 她又捉著我周屋行, 最後就唔知咩事突然軟晒瞓左落地, 果刻我終於有機會念咒了(當時我還未拿起滅魔都刀的, 把刀在房內窗台) , 但當我在心內開始念咒時, 她突然張大眼, 好兇惡咁同我講, 叫我唔準念咒, 咁我果刻為有聽話不念, 因怕那靈體傷害她, 及後女友好似有少少自己意識後, 我就夾她入房, 當她入到房時就開始跟我說救命, 叫我即刻念咒, 其實夾佢入房既主要原因, 係我那有法在身的朋友, 曾經在房間兩個位置貼了金(用法器念咒將金泊推入牆身加持), 令一般靈體不能進房, 當我將滅魔刀拿出, 開始揸住刀身念咒時, 刀身居然開始發熱(本人是第一次感受滅魔刀的威力) , 越念越熱, 之後就一野壓落女友額上, 一壓落去後就正囉, 她即時鬼晒咁嘈咁大哎, 又爭扎兼手無足蹈, 當爭扎了幾分鐘後, 女友終於回復平靜了, 而果個靈亦被滅魔刀迫走了, 跟著, 當然女友又嘔吐大作啦, 又係例牌有綠色野嘔出嚟, 之後當然忙於照顧女友同善後啦, 咁就成晚冇瞓了....第二日同女友講返成件事, 佢居然哈哈大笑, 還問我為什麼不給她拍片, 真係畀佢吹漲...而把刀既第一次, 就咁畀左我女友了...
|
|