|
本帖最後由 小小球迷 於 15-1-2013 17:21 編輯
佛牌係好多人心目中存在神奇效用,傳聞帶住佢就會有神奇作用
但係點解總有人會話無效呢? 其實一切都可以用理性角度去解釋
如師兄好運既話,請牌時可能會遇到位有良心既牌商或師兄解釋佛牌既用法
但唔好運既話,你只會遇到一個胡亂吹虛奇蹟滿天飛既人渣!! 搞到思想錯晒!!!
希望各新手師兄可以了解佛牌既相對作用..用理性角度去解釋以下三樣最多人想求既效果
首先講解最多人想要既人緣/異性緣先 :
人緣/異性緣唔係指你帶上佛牌後就會得到,帶左坤平唔代表你異性緣一定掂
原諒小弟直接,請師兄師姐拎塊鏡照下自己,係咪梁朝偉咁型全智賢咁索先
如果唔係,拜託你花下心思汁下個樣著返靚仔靚女,比人既印象都會好啦~
仲有說話技巧都係增加人緣既一種,如果你講野硬掘掘做人又小氣,當然人緣都唔方好啦
對人說好話,人開心時自己又開心,記住常說好話都係積福既一種(唔係指虛偽果隻)
如果你做到以上兩點~ 恭喜你~ 我相信你唔帶都會好人緣
之後到事業運/財運 :
好多佛牌都會幫助你事業/財運,我都好認同,問題佛牌只係幫助
眼見身邊好多人升職加薪快? 自己卻原地踏步,我相信好多人又會賴個牌唔幫手
但賴之前,可以檢討下自己有無努力?
1+1=2 呢條數幼稚園都識計啦,你唔會諗住 人+佛牌=發達 唔洗做掛!?
世界好公平,只要你努力付出,我相信一定有人賞識你
最後講和合 :
眼見好多女仔都話請咩INCOOL九尾狐和合牌去補救
其實拍拖係兩個人既事,我唔明點解要搵第三者去幫
請前..不如諗下點解要同你分手先
脾氣臭? 大洗? 懶? 公主病? 外遇? 事出必有因
諗下自己有咩缺點,拿拿聲改左去仲好啦,之後可能仲有得救
想搵陰牌幫手? 睇下近期新聞就知啦,正宗自打嘴巴
其實守五戒既作用,都可以見到理性既解釋
五戒的作用
能夠圓滿遵守五戒,可以避免不良的行為,具有高尚的品德,同時來生必然重護人身,不會墮入三惡道受苦。然而,對於初入佛門的人來說,能夠成功地做好其中的一、兩戒,也是難能可貴的事,已經為自己的現在以及未來的幸福,奠下良好的基礎。
|
評分
-
16
查看全部評分
-
|