dvd-r (啊峯)，佛牌都夠胆(握)

Thaksin

dvd-r (啊峯)，你(握)我哋D牌當中，有D係陰牌，小心比陰牌裏面D朋友搞呀，佛牌都夠胆(握)，同偷冇分別，仲話自己會喺屯門開舖，唔係自己嘅錢請返嚟嘅牌，開咗都冇運行呀！

XYZ先生

師兄可唔可以詳細D?

大自然

XYZ先生 發表於 24-10-2012 09:45

                               
登錄/註冊後可看大圖

師兄可唔可以詳細D?

X2

dvd-r

我講個詳細版本比大家聽下.

首先,我係佛牌愛好者, 經過朋友介紹之下認識到樓主.
因為我係冇貨源,咁樓主既角色就係批發商.為我供應佛牌

然後佢將一批貨比左我,聲稱為百分百寺廟拎既真牌,全新,不過之後發現有n塊都戴過,呢個都算喇. 我亦都將貨既成本交左比佢, 我同佢講話如果賣到好價錢既會再另外分紅
初初都冇事,後來一日我聯絡一位客人,出到黎交收一牌周灌燙, 點知,佢唔理三七二十一先粗口連環地鬧我賣假牌,唔老實. 之後好嬲地走左去
然後再有幾位客人出黎見到我所為佢地放賣既部份牌,亦都不客氣地話係假牌
後來我諗諗下唔對路,即刻上網睇下真既版本, 點知, 原來佢比我呢款係徒弟cosplay師傅造.之後聲稱話係師傅所做.

我再聯絡我一位玩左佛三十幾年既泰國朋友, 竟發現,所有師傅牌一樣係徒弟版本.但佢本人當時同我講係成本價值五百以上既師傅牌.
然後有幾塊所謂舊牌坤平, 直頭係完完全全既一塊假牌, 冇力冇用,全塊牌最勁就係仿真度.唔係我朋友用睇珠寶果d放大鏡睇左成分幾兩分鐘,我都唔知道自己比人呃,,連泰國人都差d呃到.
而真既又真係有幾牌, 十匹一塊果d,又聲稱話幾百蚊賣,叫我賣比個客成千蚊-.- 大佬,生意唔係咁做架ma

我之後再有聯絡到樓主, 佢聽到我所講既野之後, 即刻話要收返晒所有既牌, 佢話有個朋友係旺角度開舖可以寄賣-.-唔洗我幫手, 我即心諗..唔係下話. 比我踢爆左之後,你想攞返出去再賣過.??
我寧願我自己蝕左成份成本價比佢地. 我都唔想佢咁冇道德咁樣將假牌當真牌咁流出市面.我比左既錢唔係多,唔夠一萬,我自己都當自己買個教訓.最多咪d假牌自己開光自己加持自己戴-.-

咁其實呢件事到底係邊個呃邊個?樓主,我知你仲有提供貨比旺角d舖,其實.堆牌我又比左錢,你地仲要話好既?同埋,邊個唔夠膽聽電話?係邊個熄電話?心照.

lusi1661

兩位睇一睇以下的規則！謝謝！

本帖最後由 特工小高 於 26-9-2011 00:28 編輯


Unite香港佛牌討論區(2011年度) ****版友必讀****

歡迎閣下光臨Unite香港佛牌討論區,為了各位版友愉快地瀏覽本版資源，懇請閣下細心閱讀下列事項 :

(Unite香港佛牌討論區以下簡稱為本版，Unite香港佛牌討論區版主以下簡稱為版主)

本版版主為求維持版面正常運作，絕對有權在任何情況下可以無須預先通知或事後解釋而向違規人仕而作出溫馨提示/警告/鎖帖/下沉/移帖/刪帖/屏敝/編輯內容/扣分/禁言/永久封鎖IP，有關違規情況大概如下:

(1)惡意,蓄意,借機搞事/挑起,參與,引發,煽動,鼓吹,暗示,投票,公論外間佛牌商經營手法,佛牌網站,佛牌友,版友之買賣價格,帖題內容,私人恩怨,金錢糾紛,史前軱轕/人身攻擊,誹謗,詆譭,粗言穢語/不合邏輯之投訴/未經許可廣告宣傳/互相爭拗破壞和平氣氛。

(2)作無意識或相同內容之灌水回帖同時間連續超過三次及大量惡意洗版回帖/出帖行為。

(3)發錯帖題/離題或胡亂發問無關於佛牌分享或買賣的帖題，阻礙版面位置，例如"坤平佛來歷"，"泰國僧侶為何食肉類"，"佛祖是否耶穌"，"有冇人知這個牌或師父的資料和經文等等"/任何Youtube/Video/網站link或未授權圖片轉貼。

(4)未獲版主同意或蓄意删除本版存放的帖題圖片或內容。

(5)買賣帖題資料及圖片不齊全或含糊不清，例如無圖片/供金/內容描述介紹/轉貼他人資料或圖片。

(6)帖題內文及圖片不得顯示個人聯絡資料(如電話號碼/個人blog/email/網站link)、牌商名(任何一字)、地址(只可區份)等等。

(7)帖題格式內文不清楚分享/買賣，在文字上表達含糊混亂似是而非有誤導成分，或帖題格式內文/圖片不合規則。

(8)帖題內容描述字眼和附加圖片請小板友心引用及表達，避免引起公眾不安或觸犯法律，如導致任何法律責任板友必須自行成擔。

(9)不論任何形式之有意圖策劃/協助教唆煽動本版版友自行删帖或棄版轉場的不道德歹毒行為。

(10)注意: 除板主/分區板主/超板/管理員外, 所有板友不得在買賣帖上隨意評分, 違者扣分處理 。

(11)請用廣東話/國語/書面語交流，唔好用d地方語言, 文言文，畢竟呢度系買賣區，乜野都最好清清楚禁，以免産生不必要概誤會。

(12)每個帖最多可以同款兩至三個牌, 嚴禁大堆頭一張相十幾個牌一個post。

(13)不得幫人推post, 不論以任何形式或分身帳戶, 嚴重犯規板友或板主可被超板即時禁言。

特別聲明: 本版只是一個分享平台給各位版友交流，本版並不會驗証帖題內物品的真偽缺損等問題或判斷核實任何高僧來港弘法活動，交易和參與時請小心自行驗收及自行評估風險，如有任何糾紛金錢損失，本版不會成擔任何責任，另外版友在本版討論區所涉及的發言內容或PM純屬版友個人意見，與本版立場無關。


如以上各項產生有任何爭議，本版版主有權作為最終裁決管理人並即時更新以此訂按為依歸，版友如有任何疑問請隨時PM本人會儘快回覆。

lusi1661

請兩位自行解決私人問題！

dvd-r

lusi1661 發表於 26-10-2012 08:33

                               
登錄/註冊後可看大圖

請兩位自行解決私人問題！

明白,  
因為佢係我所有賣買post度都post左個段類似既留言,
我只係解釋一下,因為我唔出聲可能會影響到其他人對我既睇法.
依家我決定唔同佢係呢度爭拗, 我唔再回應呢件事啦,唔該晒=D
麻煩到你唔好意思

亞特蘭提斯

dvd-r 發表於 25-10-2012 19:57

                               
登錄/註冊後可看大圖

我講個詳細版本比大家聽下.

首先,我係佛牌愛好者, 經過朋友介紹之下認識到樓主.

最多咪d假牌自己開光自己加持自己戴{:6_322:}

亞特蘭提斯

樓主Thaksin因公開他人私穩資料
禁止發言  有效期至 2012-10-29 11:38
同時dvd-r因出讓聖物真假成疑 暫停所有出讓中的買賣貼 直至水落可出為止