|
話說小弟近呢年半都係戴古巴傑士達師傅既坤平
一直都戴得好順好開心
個幾月前我既左眼突然之間係咁跳唔停, 一開頭唔為意係啲咩事, 但係過左1,2日都開始覺得唔對路
我以為自己只係休息唔夠, 所以開始早啲瞓, 訓多啲, 不過最後都冇改善
之後上網揾左啲資料可能係身體某啲器官岀現問題既警號, 所以都好驚
之後隻左眼跳足個幾禮拜之後我就諗住試下戴師傅既藥師佛, 同時都準備去睇醫生
戴緊藥師佛既同一日竟然隻眼冇再跳, 直到今日都冇再跳過, 呢個真係一次解釋唔到既巧合?
不過之後有時間我都會去做個body check
本身呢件事發生之後我都冇諗住分享, 直到第二件事既發生係我老婆身上
我老婆本身身體比較虛, 而家肝既某啲指標都偏高同有耳石症, 耳石症係年幾前睇完醫生都冇咩事, 上個星期又突然復發返, 成日都好暈同唔低得頭, 持續左幾日, 佢都諗住呢幾日再係咁就要去睇下醫生做耳石復位
而佢一直都冇戴開佛牌同冇呢種信仰。
咁我就諗住比個藥師佛佢試戴下, 都講左師傅同藥師佛既資料比佢聽, 佢都冇特別抗拒, 所以佢就試戴下, 點知佢第二日就同我講冇再暈過!佢都覺得好神奇!
所以之後決定比老婆長戴住先, 希望佢既身體會愈黎愈好
非常感謝師傅同藥師佛既保佑 |
|