純粹呻下~工作的煩惱鎖碎事

ar_ta

唔知post晌到岩唔岩....但也算是經歷分享吧!!
出帖其實是想呻下抒發下....

我份工好易病, 容易受傷又勞氣, 但從來無介懷, 因為有班好同事一起打併, 上面班友亦會支持
可是, 上年黎左個新阿頭(第二最大), 就開始挑撥離間, 搬弄是非, 各職級互相監察, 上面班友為求自保, 就卸膊兼咩都唔理....
而老細就信晒佢, 幾衰都保佢! 所以, 離職潮亦開始, 日日返工做幾個人既野, 愈來愈辛苦(到依家都請唔夠人).......

果陣....請了澤度琴, 沒想到, 黑仔左2個星期後(之前都分享過, 返工滑倒, 撞疼, 又無拿拿整親眼), 那個阿頭就俾人投訴到要調查, 煩左個幾月, 令佢耍不出花樣.....連我d同事都話jtk勁


上年appraisal, 提及apply升職一事, 老細之後同另一同事講好驚我apply, 又話唔會晉升我, 因為我是個有意見, 睇唔過眼會出聲的人, 同佢地作風不一.......

呢年....我成日同魯史大佬講, 我只求返工安穩唔好煩我, 或許是大佬安排, 或許是得罪了人, 總是被人調來調去, 攝位打雜......也幸好, 雖是辛苦位, 但有事總不會在我的崗位上發生, 所以每次也會感謝我的神佛保佑

我知點努力都無運行, 自此開會唔出聲, 返工唔會再做多! 但也會無拿拿俾老細挑剔, 唔順眼!! 曾想過晌到問大家, 供請什麼會較合適, 不再被針對.....當然, 還有其它原因, 讓我開始有辭工的念頭!!

有次, 跟piggy915師兄傾開, 佢講了女王佛的function, 想起自己也有一面, 於是我的美指幫女王佛粉飾後, 每天便帶上........

變靚d的女王佛(之前post過的)

慢慢覺得, 老細雖然依然挑剔, 但對我總算多了少少笑容, 而最大不同是班客仔聽話左, 令我煩少了......

呢幾日....又開始作病, 因聽日返好早, 所以頭先睇完醫生打番去請假, 但老細用驚訝的回應"你病呀", 之後就冷淡的收線.....
收線後一直心情不大好, 不是要你的慰問, 但都不用咁既態度, 而我確實的唔舒服.....

還有種種不公平, 是非不分的事, 離開的心愈來愈強, 呢到除了班好同事, 就沒有想留的原因....
有想過請拉胡對班是非友, 但我開始想走了....依家只係對著魯史大佬呻下, 但自己都不知該怎辦!! 希望今次的迷茫, 佢能給我方向.....

                               
登錄/註冊後可看大圖

                               
登錄/註冊後可看大圖

說太多了, 謝謝各位花時間聽我呻, 希望好快分享好的消息吧{:7_359:}

voka

事情好快會過去, 加油呀, 唔好咁唔開心啦

達摩大師

師兄:工作環境令你唔開心就算有班好同事都於事無補,只要有能力一定會遇到一個好既老闆或者

上師,唔好再留係度蹉跎歲月喇,難道學董怕怕話留底比離開需要更大勇氣?

kit711

加油呀師姐{:6_327:}

kei225

加油呀，Ta姐

rubywan

加油啦........{:6_327:}

beattie

其實試下戴坤平, 合適你現在環境

axe

如果有經驗有食力 , 不防找機會見吓工 ,
睇吓外面世界 !  當然重要睇你是否"一家之主" ,
有大有細咁 .....
佛牌不用請太多 , 因為<南傳佛派>裡 , 做牌功夫/
功能差不多, 所以一定供請兩三個有力的牌
足夠應付人生衝擊就得 ~~

達摩大師

axe 發表於 26-5-2012 00:16

                               
登錄/註冊後可看大圖

如果有經驗有食力 , 不防找機會見吓工 ,
睇吓外面世界 !  當然重要睇你是否"一家之主" ,
有大有細咁 .....  ...

想請教師兄指的2,3個是什麼牌呢

ar_ta

voka 發表於 25-5-2012 23:26

                               
登錄/註冊後可看大圖

事情好快會過去, 加油呀, 唔好咁唔開心啦

果個阿頭一日唔走, 一日都會亂
但...佢係唔會走的....

師姐~謝謝你