|
大概十日前,我帶住來出差唯一的一塊牌發現殼的有機玻璃邊角裂左...出少少汗就滲水汽入去,在我採取臨時防護措施之後都冇效,只要郵寄返去俾D朋友再郵寄去換殼....
目前我所處位置,系一個群山圍繞的小縣城,冇快遞,只有郵政。雖然同廣州只相隔一省,但郵件到達廣州需要數日。
因為我處於一個工作好重要的分水嶺,系人事,同當地政府交接,業務處理等等方面,一D差錯都唔可以犯。撞正今年我本命年,所以一直小心翼翼。
牌郵寄出我手之後,我就一直覺得變得所有事情都唔系好順利,甚至停滯不前。。。所有麻煩好似都瞬間集中埋一齊洶湧而至...當然,可以用我自己o念多左,又或者迷信來解釋,但相信各位帶牌帶了幾年既人,都明白我的心理。。。。4年幾來,我第一次冇帶牌系身。。。。心掛掛系好正常的事。。。
正因為甘,我叫我朋友將另外一塊牌(LP SAKON 2555坤平佛),郵寄過來俾我,因為之前塊牌佢借左去帶。系我出差前一晚大家吃飯,佢話叫我除左黎,俾佢睇睇,跟佢住掛左上自己條頸,話借俾佢帶下,等我出差翻去先俾翻我.....當時我亦都冇講咩,因為我覺得佢從一個唔信牌,變到想帶牌的人,有呢D緣分,我作為朋友都幾支持既。雖然我走南闖北,我自己都好需要一塊我好堅信的牌帶系身,但我當時都系借左俾佢。
點知佢話要等另一個人摞翻黎俾佢先可以郵到,因為佢又借左俾另一個人帶下哦...(呢個人我都識,想話請翻塊SAKON師傅的牌,所以借左我塊去感受下力量)
我*#@&……¥*#@
千叮囑萬交代點樣包裝,我最近點樣運滯急需要塊轉下運等等之後,佢話寄出左....
等!等!等!等左差唔多十日,今日中午終於收到了。心情隨之即刻唔同...就當系心理作用吧,就當塊牌只不過系我定心劑吧...乜都冇所謂,有所謂既系...我喜愛的牌,已經到左....
興高采烈的拆包裝,拆開一層我已經覺得唔對路了,佢將牌放系個細紙盒,紙盒放系個塑料盒裏面,又冇防固。個紙盒系塑料盒入面朗下郎下...
我心o念..........出事了......
結果打開一睇...我相信有快遞經驗既朋友們已經知道發生咩事......經過快遞公司運貨點的層層中轉站D搬運人員粗魯搬運,我個殼又裂左.....
當時心情即刻跌落左谷地.........
我而家谷住淡氣唔知可以叼邊個!再次立誓,以後都再唔會借牌俾人帶!
|
|