機緣巧合，今次有幸，遇到阿贊尊身邊親近的人....

rambo23

首先聲明，本帖不作派更也坤平任何功效之討論，雖然本人亦捍衛每個人言論的權利，任何人有權發表任何觀點。但作為貼主，我唔想系本帖討論！所以要討論既師兄，你可以開新帖來講，你鐘意點講就點講，我亦唔會去同你辯論反方觀點，因為佛牌功效因人而異！！！

其次再聲明，本人鄭重表態，不會通過unite平臺做任何出讓派更也坤平的行為，無論公開，私下，聊天apps等等，所以，回帖，PM，聊天apps諮詢的師兄，吾好意思，我一概唔會再回答。
本人所發所有坤平派更也圖片均為本人所有，只做收藏！不出讓牟利！
請之前某D不問自取轉發我圖片的師兄自重！佛牌圈有幾大？我冇你wechat，fb,line，唔代表我唔知你偷左我D圖去發！

好啦，表明立場，開篇正論...
今日週末，岩好在家冇事，我就講下我帶派更也的經歷，做一次認真的分享吧..

其中涉及的人名，為了唔引起非議，我一概忽略冇寫了，請文中提到的當事人師兄見諒！~

首先認識坤平派更也於2014年權哥的朋友圈介紹，同好多人一樣，聽聞完都覺得，冇可能吧，一塊幾塊月的牌幾千蚊？有冇搞錯？
一晃三年，小弟我今年開始得閑就翻來unite大家庭，通過瀏覽三年來好多師兄對派更也坤平的種種正負介紹，我六月一日開始帶上派更也坤平泥漿肉銀符。六月十五日，決定升級。
首先呢點系我帶佛牌甘多年經歷入面，從來未試過。點解要升級的原因不作詳述，無非覺得幾好唔錯，招財！但所謂爆老二的情況，從未發生，但後來先發現，派更也對我的“緣”，原來系甘樣爆法既...

首先我揾到了黑金符管，然後揾到粉紅的符珠。
升級左一塊金面試模後，我泥漿肉俾左我一個兄弟帶，結果派更也系佢身上出現既力量，更甚於我，然後一週佢又決定升級，將泥漿肉俾左佢大佬帶，
佢又叫我幫佢揾符管符珠，我心霖甘易揾咩，符管符珠分分鐘難揾過坤平啦，結果見到某師兄出讓，更開心系師兄有2支符管..仲有圖鑒版的金銀銅符管。
睇完師兄既介紹，先知道原來系拉壺法門開光的，甘我帶左符管後發生的神奇事，終於明白系拉壺的作用，
又終於明白吃小人同擋小人既區別了。然後我同師兄請曬三支符管，金銀銅自用，2黑金俾左我兄弟佢哋兩兄弟帶。

甘我就一套四件齊全啦，佢兩兄弟就差符珠啦。呢個時候一個好重要的師兄出現了，幫我揾齊D符珠，同一塊紅色的星期二色派更也坤平..
呢位師兄，未經佢同意，我暫時唔提佢名啦。不過佢去過屈巴周所，見過阿贊尊，所以佢教左我好多派更也的正念，即系唔系網上既謠傳、
更關鍵佢講左一個資訊俾我，令我有了後面更大的“緣”

當然，期間我亦有請其他師傅D牌，又有出牌俾其他廣州朋友，總之一個字，正職又忙，佛牌既事又忙。
又認識左其他幾個新朋友，終於，我系抄到呢位烏紋既人...
期間同呢個烏紋人，請左圖鑒，天藍符珠，終於終於，我決定請一批比較少版本的坤平派更也，
由於數額較大，經過一段時間溝通，終於大家決定系曼谷見面..（詳情見上一篇文章《派更也之旅》http://www.unitehk.com/forum.php?mod=viewthread&tid=60509&extra=page%3D1）
見面先發現，原來系呢位大哥！！！至於呢位大哥的身份同地位，唔方便詳細透露，總之佢見證左派更也的全部製作過程，系阿贊尊身邊一個非常親近的人..




估計前面三張圖，好多師兄派更也坤平的師兄都見過無數次了，冇錯，就系佢！
而且烏紋大哥應承，十一月我哋過烏紋，佢會帶我哋去拜見阿贊尊！

而且每日得閑都會同佢請教下派更也D問題，當然見到網上突然飛天蓋地話有 YA KU JUN2560的派更也，當然要問問佢，
結果回答系：

依然都系，派更也坤平，只有一期，其他都系打住派更也旗號既其他坤平作品

啦啦啦

點解會甘

                               
登錄/註冊後可看大圖

kbkb88

屈巴周所其間有出牌不過唔係坤平

                               
登錄/註冊後可看大圖

rambo23

啦啦啦 發表於 9-9-2017 18:15
點解會甘

因為有D野編輯唔好，所以叫亞大刪除我重新發一次

rambo23

kbkb88 發表於 9-9-2017 18:18
屈巴周所其間有出牌不過唔係坤平

系啊，四面，阿姜曼自身，同七海龍王

tak130chuen

好想繼續睇

lkleung

學習。學習。

Kinshin

See............

kbkb88

rambo23 發表於 9-9-2017 18:19

                               
登錄/註冊後可看大圖

系啊，四面，阿姜曼自身，同七海龍王

仲有佛祖小立尊

                               
登錄/註冊後可看大圖

天神將軍

多謝分享