sell佛牌就像sell保險，一樣的方式!

PrimaLaw@FB

最近，見到有人打了一大篇自hi文，無人理!轉下頭又專登開topic發表大作, 又貼多一次自己先前回覆嘅內容，大談愛自己屋企人，就請佛牌啦！ 因為佛牌可以擋子彈、刀槍不入㗎  [十足十保險經紀同你講，愛家人就幫佢地買保險啦一樣！]

既然有人咁催淚分享佛牌力槍不入，老公犧牲救老婆之類，咁我又分享下佛牌擋M16子彈的傳奇事蹟!

*********************
以下是一則2500行走佛擋M16步槍泰國傳奇新聞

有一個耳聾啞巴

騎機車經過4個軍人身邊時

稍微擦撞到一個軍人的手臂

軍人喝令停車

因此人耳聾又是啞巴

完全沒有聽到

4名軍人拿起M16步槍射擊

這位聾啞人士身中30幾槍

全身都是槍擊紅點.但子彈卻無法射入

軍人後來趕上

將他痛打一頓

因是啞巴又說不出話...

被打到頸椎骨折死亡.....

******************************

佛牌雖可擋刀槍金屬兵器的傷害

卻無法避掉敵人用手擊打而致死

此為神通不敵業力

佩戴佛牌的善信

應知因果

勿以為佛牌萬能

******************************

以上故事唔係本人原創，係喺牌商商品介紹copy n paste過來。

本人好耐之前，就已經聽過呢個故事。

除了認同，「神通不敵業力」之外，我仲諗，假如呢個人有更好嘅福德因緣，個佛牌幫到佢，讓佢當日根本無同班軍人相遇，如果係咁嘅話，呢個傳奇咪唔會出現，個佛牌咪寂寂無聞!

大家不彷好好思考下!

芭蕉仔

或者...假如呢個人吾係聾啞人士...

PrimaLaw@FB

芭蕉仔 發表於 13-7-2016 17:33
或者...假如呢個人吾係聾啞人士...

認同

假如佢有 更好嘅福德因緣 就有可能 吾係聾啞人士

HugoSung@FB

其實保護朋友，家人唔一定要sell牌，重有好多其他方法，除非佢地都信。如果你問我佛牌有乜用，我會答只係求自己安心，借佛教宗旨，多做好事，管理好自己情緒及行為從而以生命影響生命。悟人先悟己，其身不正，何以導人？再講，出家人用大半身尋求佛法真理係好嚴肅既事，唔應該係開玩笑既材料。自己都唔尊重，其他人又點會尊重？希望個位師兄可以明白啦。

MartinYuen

所以有奇蹟唔一定關戴佛牌事, 坊間有戴牌的都未必信佛,未必信因果業力, 同樣穿僧服的又唔一定係修行人一樣.

PrimaLaw@FB

HugoSung@FB 發表於 13-7-2016 20:19
其實保護朋友，家人唔一定要sell牌，重有好多其他方法，除非佢地都信。如果你問我佛牌有乜用，我會答只係求 ...

十分認同!

信奉南傳佛教(尤其佩戴佛牌)，好多時會俾外面嘅人誤解；認為係迷信跟降頭、養鬼仔呢d邪術打交道。

所以，南傳佛弟子更加應該做好自己，自尊自重；而不是加深外界的誤解，和對南傳佛教的輕視，認為只係一些三教九流嘅人的迷信宗教，甚至邪教。

別人睇見你的良好轉變，自然對你的宗教生起信心、尊重；而不是靠三寸不爛之舌去sell.