Unite 香港佛牌討論區

設為首頁收藏本站

Unite 香港佛牌討論區

 取回密碼
 新會員登記

QQ登錄

只需一步,快速開始

Login

免註冊即享有會員功能

搜尋

人生如戲~

熱度 1已有 450 次閱讀12-4-2012 12:27

人生如戲;戲如人生!

人生就好似一場戲,到底呢一場係喜劇定係悲劇?一切都只在乎你自己點樣去睇!在生命的過程中我地會遇上好多角色,當中有男/女主角、配角、茄呢啡等。不過我地喺演呢場戲既時候並沒有武術指導、美術指導以及監制等等……所以既幕後工作人員通通欠奉。要點樣演,演得好與壞都由你自己決定,因為你就是主角;你就是導演。當我地上演呢場戲既時候已知道的是「你係主角;同時亦係別人的配角。不論演得好唔好,我地亦都冇辦法取得金像獎因為喺呢個大舞台上並沒有觀眾也沒有影評。所以即使我地既演技達到五星,都冇辦法得到台下觀眾既拍掌………縱使未能得到各方面既支持同鼓勵,我地亦必須繼續演下去。

我地喺生命過程中會遇上很多很多的事情,當中會有各種「甜、酸、苦、辣」每當我地遇上好的事情都會顯得心花露放、洋洋得意!但係人往往就會喺呢種心情下忘記了如何珍惜!但當失去既時候先至後悔當初。好多人往往就只有失去先至懂得珍惜,就算失去之後再次得到,亦同樣將珍惜一詞忘記得一乾二淨。

一生中所遇到既事情實在太多了,當然有順景,也有逆景。每當遇到逆景或不如意既事情你地又會點面對呢?當然同一樣既事情發生,唔同人有唔同既處理方法,但係點樣先係最好既方法呢?事實上並沒有一個係最好的處理方法,既然冇最好既辦法何不找一個令自己舒服一點既睇法呢?其實一件事件裡面並唔係只有一個答案/方法/睇法,而每一件事情發生都總會有佢既原因,事情並沒有對與錯,關鍵係睇你點樣去睇呢一件事。試試用別人或者其他人既角度諗一諗,一定能讓你視野更廣闊。

既說『人生如戲』戲中將發生既所有事情,大家亦都冇辦法知道,下一分鐘又會發生啲咩事情,你我都冇辦法去揣測。要發生既事情,始終都要發生。佛家有句說話:「既來之;則安之!」與其我們冇辦法去改變,何不接受現實呢?

再者即使事情發生咗,並不代表是絕路。已發生既事情,只不過係代表呢場戲裡面既其中一個單元或者係插曲,我地唔需要太著重於事情既結果,反之我們應該去享受過程中既喜與悲。因為一場戲裡面一定要有多少喜與悲先至會顯得有樂趣和好睇,所以我地必須去多謝得罪你既人,因為有佢你先能夠從事件中得到學習機會。

好多人都認為落雨係比人一種落寞、唔開心及悲慘既感覺,每當落雨心情自然就會覺得差,我相信大部份人亦都會有咁既感覺,但係大家有冇諗過究竟落雨係唔係真係影響你既心情呢?但事實上落雨只不過係一個天然現象世界上任何一個地方都會有,而天然現象點解又會影響你既心情呢?舉個例子:如果你買咗一雙好靚既水鞋,而咁啱第二日就落雨,試問問自己有否唔開心呢?我諗你當時既心情唔會覺得唔開心,反而可能仲會有點兒興奮!由此可以証明落雨並沒有影響你既心情,只不過係你所睇既事情只係單一方面,並沒有將事情從另一角度去睇。

生活中所發生或者所擁有既野,像霧又像花,轉眼逝去!人生不如意事,十嘗八九!我們亦冇必要去計較一些小節呢!執著只會令煩惱加深,越係執著只會令人更加煩擾。竟然我們無辦法去改變事情發生,倒不如改變自己既睇法吧!



路過

雞蛋
1

鮮花

握手

雷人

剛表態過的朋友 (1 人)

評論 (0 個評論)

facelist doodle 塗鴉板

你需要登入後才可以評論 登入 | 新會員登記

QQ|小黑屋|手機版|網站地圖|聯絡我們|Unite Thai Amulet Forum (HK)    

GMT+8, 7-12-2016 18:49 , Processed in 0.057495 second(s), 21 queries .

Powered by Discuz! X3.2

© 2001-2012 Comsenz Inc. | 正體中文: [數碼中文坊]

返回頂端