學泰文

今日開始搵緊資料學泰文, 報course好定係去自學好呢?
報course既話,其實應該好d,不過無奈份工要返shift,一定就唔到上regular course既時間
自學既,中學時試過自學日文...好難..到最後都係要上到大學,主修日文系先叫做讀左三年精精地
睇日劇都係得果7成左右明
英文讀左十幾廿年都唔可以睇西片100%明..睇黎自學都係要有返咁上下程度先得

本身自己0係九龍城返工,日日都會撞到好多好多泰國人
有唔少仲係靚既姐姐同妹妹
其實都好想直接同佢地交個朋友, 由同佢地交談,日常生活學起...
但講就易,做就難..難在咩..咪怕羞,唔夠面皮囉
不過話時話,如果同有個泰國朋友仔,一定快好多學得掂..寫同讀唔理啦..
但聽同講一定進步好快...
以我之前經驗...學日文..自己死讀爛讀....讀同寫,文法可以進步好大..
但聽同講..真係0係香港讀三年..都唔夠去日本交流果段時間進步既快..

所以,第一步計畫就係結識在香港既泰國朋友
當然,目標係女仔朋友為主啦..嘻嘻

而呢個目標,已經有第一步了...遲下上黎update ^^